Bu səhifədə iş davam etməkdədir. |
Rafiq Ələkbər (25 aprel 1964, Yardımlı rayonu) — Azərbaycan şairi, yazıçı və hüquqşünas.
| Rafiq Ələkbər | |
|---|---|
| Rafiq Ələkbər | |
 | |
| Doğum tarixi | |
| Doğum yeri | Alar kəndi, Yardımlı rayonu, Azərbaycan SSR |
| Vətəndaşlığı | Azərbaycan |
| Milliyyəti | azərbaycanlı |
| Təhsili | Bakı Dövlət Universiteti |
| İxtisası | hüquqşünas |
| Fəaliyyəti | şair, yazıçı, prokurorluq işçisi |
| Fəaliyyət illəri | 1980-ci illərdən |
| Əsərlərinin dili | Azərbaycan dili |
| Janrlar | poeziya, nəsr, detektiv |
| İlk əsəri | Səndən ayrılanı, səndən küsəni (1999) |
| Üzvlüyü | Azərbaycan Yazıçılar Birliyi (2006-cı ildən), Beynəlxalq Prokurorlar Assosiasiyası |
| Mükafatları |
 |
Rafiq Ələkbər 25 aprel 1964-cü ildə Yardımlı rayonunun Alar kəndində anadan olmuşdur. 1981-ci ildə həmin kənddə orta məktəbi əla qiymətlərlə bitirmişdir. 1992-ci ildə Bakı Dövlət Universitetinin hüquq fakültəsini fərqlənmə diplomu ilə başa vurmuşdur.[1]
30 ildən artıq müddətdə Azərbaycan Respublikasının prokurorluq orqanlarında çalışmış, Azərbaycan Respublikası Baş Prokurorluğunun strukturunda müxtəlif vəzifələrdə, o cümlədən idarə prokuroru kimi fəaliyyət göstərmişdir. Beynəlxalq Prokurorlar Assosiasiyasının üzvüdür.[2]
Rafiq Ələkbər ədəbi yaradıcılığa XX əsrin 80-ci illərində başlamışdır. Müxtəlif illərdə onun aşağıdakı əsərləri çap olunmuşdur:[3]
"Səndən ayrılanı, səndən küsəni" (1999)
"Mən Tanrı yolçusuyam" (2003)
"Ruhum – əbədiyyətim" (2005)
"Eşq qəlbin ruhudur" (2007)
"Əsgər ac qalmayacaq" (povest, 2007)
"Seçilmiş əsərləri" (2008)
"İlahi nur" (2011)
"İrfan və eşq görüşləri" (2015)
"İrfani aşk" (Türkiyə, 2017)
"Savalanla üz-üzə" (2021)
"Mənim fəlsəfəm" (2025)
Bundan əlavə, müəllifin "İnsan alveri" və "Qəsdən ölüm" adlı detektiv romanları 2025-ci ildə nəşr olunmuş, 2026-cı ildə ingilis və türk dillərində çap edilmişdir.[4]
- "Qızıl Qələm",
- "Ustad sənətkar"
- "Araz" ədəbi mükafatlarının laureatıdır.
- 2019-cu ildə Türkiyədə çap olunan əsərlərinə, o cümlədən "İrfani aşk" kitabına görə Türk Dünyası Araşdırmaları Beynəlxalq Elmlər Akademiyası tərəfindən fəxri doktor adına layiq görülmüş və Akademiyanın Beynəlxalq Qızıl Ulduz medalı ilə təltif edilmişdir.
- 2021-ci ildə həmin Akademiya tərəfindən "Türk dünyasının fəxri ziyalısı" seçilmiş və Atatürk Beynəlxalq mükafatı ilə təltif olunmuşdur.[5]
- 2022-ci ildə "Savalanla üz-üzə" kitabına görə Türk Dünyası Araşdırmaları Beynəlxalq Elmlər Akademiyası tərəfindən "İlin şairi" seçilmiş, həmçinin dünya mədəniyyəti və ədəbiyyatına verdiyi töhfələrə görə Avropa Şərəf Ordeni ilə təltif edilmişdir.
- ↑ "Rafiq Ələkbər haqqında məqalə" (PDF). Azərbaycan Milli Kitabxanası (az.). anl.az. aprel 2024. İstifadə tarixi: 17 mart 2026.
- ↑ Ə. Dostəli. "Rafiq Ələkbər yaradıcılığının təhlili". Xalq qəzeti (az.). xalqqazeti.az. İstifadə tarixi: 17 mart 2026.
- ↑ "Rafiq Ələkbər haqqında məqalə". Kultur.az (az.). kultur.az. İstifadə tarixi: 17 mart 2026.
- ↑ ""Vətən qələbələr yürüşündədir" - Rafiq Ələkbərin şeirləri". 525-ci qəzet (az.). 525.az. 8 noyabr 2020. İstifadə tarixi: 17 mart 2026.
- ↑ "Şeirlər - Rafiq Ələkbər". Ədəbiyyat qəzeti (az.). edebiyyatqazeti.az. 16 oktyabr 2025. İstifadə tarixi: 17 mart 2026.