Rafael Hüseynov — Rusiyanın Əməkdar mədəniyyət işçisi, Rusiya Jurnalistlər İttifaqının katibi, “Vətən qarşısında xidmətlərə görə” ikinci dərəcəli medal təltifçisi[1], RF Jurnalistlər İttifaqının Moskva bölməsinin idarə heyətinin üzvü[2].
| Rafael Hüseynov | |
|---|---|
| Rafael Cahid oğlu Hüseynov | |
| Doğum tarixi | |
| Doğum yeri | Bakı |
| Vətəndaşlığı |
 Rusiya |
| Milliyyəti | azərbaycanlı |
Rafael Hüseynov 1949-cu ildə Bakıda anadan olub. Bakı Dövlət Universitetinin tarix fakültəsində, Paris Sorbon Universitetində təhsil alıb. “Molodyoj Azerbaydjana”, “Komsomolskaya pravda”, “Trud” və digər qəzetlərdə, Azərbaycan Respublikasının Rusiyadakı səfirliyində işləyib. Rusiyanın Əməkdar mədəniyyət işçisidir.
Moskvada keçirilən “Mədəniyyətlərin dialoqu və müasir dövrün çağırışları” kitabının təqdimatında çıxış edən Rusiya Jurnalistlər İttifaqının katibi Rafael Hüseynov Azərbaycanın ümummilli lideri Heydər Əliyevlə bağlı xatırlayır:
|
“O, məni “Molodyoj Azerbaydjana” qəzetinin redaktoru təyin edib, Parisin Sorbonna Universitetində təhsilim üçün təqdimat verib. O vaxtlar bu, heç də asan deyildi, amma Heydər Əliyev təkid etdi. Bütün bunlar baş verməsəydi, həyatımın necə olacağını deyə bilmərəm. Lakin o, həyat dərsləri də verirdi. “Molodyoj Azerbaydjana” qəzetinin redaktoru olduqdan üç ay sonra birinci səhifədəki sərlövhədə “26 Bakı komissarı” yerinə “26 Bakı sanitarı” getmişdi. Onda hamı dedi ki, artıq mənim karyeram bitib. Və həmin vaxt Heydər Əliyev məni qəbul etdi, diqqətlə mənə baxdı və dedi: “Bilirsən, Rafael, mən hətta səni işdən azad edə də bilmirəm, çünki bizdən soruşarlar, sənin kimisini necə təyin edə bilmişik”. Sonra bu söhbət səmimi xarakter aldı və hətta mənə töhmət belə verilmədi. Mən Heydər Əliyevin səmimi, atalıq qayğısını həmişə hiss etmişəm. Onun şəxsən mənə verdiyi dərsləri hər zaman xatırlayacağam”. | 
|
- ↑ Putin azərbaycanlı jurnalisti medalla təltif etdi[ölü keçid]
- ↑ "Mixail Qusman və Rafael Hüseynov RF Jurnalistlər İttifaqının Moskva bölməsinin idarə heyətinə seçiliblər". 2021-01-23 tarixində arxivləşdirilib. İstifadə tarixi: 2019-08-28.
- ↑ "Rafael Hüseynov: Heydər Əliyevin atalıq qayğısını həmişə hiss etmişəm". 2020-08-13 tarixində arxivləşdirilib. İstifadə tarixi: 2019-08-28.