Şəhid Rəsul Babaxan oğlu Ağayev (25 avqust 1968, Nərimankənd, Sabirabad rayonu — 1992, Sırxavənd, Ağdərə rayonu) — Azərbaycan Silahlı Qüvvələrinin hərbi qulluqçusu, Birinci Qarabağ müharibəsi zamanı itkin düşmüş və 34 il sonra nəşinin qalıqları müəyyən edilmiş şəhid.[1][2]
| Rəsul Ağayev | |
|---|---|
 | |
| Doğum tarixi | |
| Doğum yeri | Nərimankənd, Sabirabad rayonu, Azərbaycan SSR |
| Vəfat tarixi | |
| Vəfat yeri | Sırxavənd kəndi, Ağdərə rayonu |
| Vəfat səbəbi | Döyüş əməliyyatları zamanı itkin düşmüşdür |
| Dəfn yeri | Nərimankənd kənd qəbiristanlığı |
| Dəfn tarixi | 19 fevral 2026 |
| Vətəndaşlığı | Azərbaycan |
| Milliyyəti | azərbaycanlı |
| Fəaliyyəti | Hərbi qulluqçu |
| Fəaliyyət illəri | 1992 |
Rəsul Ağayev 25 avqust 1968-ci ildə Sabirabad rayonunun Nərimankənd kəndində anadan olmuşdur. 1975-ci ildə şəhid M.Şahmurov adına Nərimankənd kənd tam orta məktəbində təhsil almağa başlamış, 1985-ci ildə orta məktəbi bitirmişdir.
Həmin ildə Şirvan şəhər Sənaye Texnikumuna daxil olmuş, 1987-ci ildə təhsilini başa vurmuşdur. 1987–1989-cu illərdə hərbi xidmətdə olmuşdur. 1990-cı ildə ailə qurmuş, bir qız övladı olmuşdur[3][4][5][6].
.png)
1992-ci ildə könüllü olaraq cəbhəyə yollanmışdır. Ağdərə və Ağdam rayonları istiqamətində gedən döyüş əməliyyatlarında iştirak etmiş, tank heyətində xidmət göstərmişdir.
Ağdərə rayonunun Sırxavənd kəndi uğrunda döyüşlər zamanı döyüş yoldaşları ilə birlikdə mühasirəyə düşmüş və itkin düşmüşdür[4].
- 1 2 3 "İtkin şəhidin qalıqları tapıldı". Qafqazinfo (az.).
- 1 2 3 "İtkin şəhidimizin nəşi 34 il sonra tapıldı". Unikal (az.).
- 1 2 "İtkin şəhidimizin nəşi 34 il sonra tapıldı". Azpress (az.).
- 1 2 3 "İtkin şəhidin qalıqları tapıldı - 34 il sonra". Sportinfo.Az (az.).
- 1 2 "İtkin şəhidimizin nəşi 34 il sonra tapıldı". GlobalInfo.az (az.).
- ↑ "Birinci Qarabağ müharibəsində itkin düşmüş şəhidin nəşi 34 il sonra tapıldı". old.azerforum.com (az.).