XX–XXI Əsrlər Azərbaycan Rəngkarlığı Muzeyi və ya sadəcə Rəngkarlıq Muzeyi – Azərbaycanın Bakı şəhərində yerləşən incəsənət muzeyi.
| Rəngkarlıq Muzeyi | |
|---|---|
 | |
 | |
| Açılış tarixi | 2015 |
| Mövzu | incəsənət |
| Ölkə | |
| Yerləşir | Səbail rayonu |
| Direktor | Aida Mahmudova |
| Telefon | +99412 505 1414 |
| İş rejimi | I-VII günlər, saat 9:00-17:00 |
| 40°20′22″ şm. e. 49°50′17″ ş. u.HGYO | |
 Vikianbarda əlaqəli mediafayllar | |
Rəngkarlıq Muzeyi Heydər Əliyev Fondu tərəfindən təşkil olunmuş və açılışı 2015-ci ilin iyununda baş tutmuşdur. Açılışda Azərbaycan prezidenti İlham Əliyev və birinci xanım Mehriban Əliyeva iştirak etmişdirlər. 2018-ci ilin əvvəlində muzey YARAT Müasir İncəsənət Məkanının səlahiyyətinə verilmişdir.[1]
Muzeydə həm tanınmış, həm də nisbətən az tanınan rəssamların Milli Rəsm Qalereyası və Müasir İncəsənət Muzeyi kimi dövlət kolleksiyalarından götürülmüş əsərləri təqdim edilir.[1] Muzeydə Mikayıl Abdullayev, Rasim Babayev, Səttar Bəhlulzadə, Gennadi Brijatyuk, Nadir Əbdürrəhmanov, Kamal Əhməd, Ucal Haqverdiyev, Cavad Mircavadov, Böyükağa Mirzəzadə, Əşrəf Murad, Toğrul Nərimanbəyov, Nadir Qasımov, Eldar Qurban, Maral Rəhmanzadə, Altay Sadıqzadə, Oqtay Sadıqzadə, Tahir Salahov, Xalidə Səfərova, Mahmud Tağıyev, Tağı Tağıyev, Fərhad Xəlilov və Qəyyur Yunus kimi rəssamların əsərləri sərgilənmişdir.[2]
Muzeydə müxtəlif mövzulara həsr olunmuş sərgilər təşkil olunur. Muzeydə "Əmək, istirahət və xəyallar: 1960–1980-ci illər Azərbaycan ustadlarının gözləri ilə" (may 2018 – yanvar 2019),[2] "Danışır Bakı: 1900–1940-cı illər" (aprel–oktyabr 2019),[3] kimi sərgilər baş tutmuşdur.
- ↑ 1 2 "XX-XXI Əsrlər Azərbaycan Rəngkarlığı Muzeyi". YARAT. 1 fevral 2021 tarixində arxivləşdirilib. İstifadə tarixi: 29 avqust 2024.
- ↑ 1 2 "Rəngkarlıq Muzeyi: Əmək, istirahət və xəyallar – 1960-1980-ci illər Azərbaycan ustadlarının gözləri ilə". YARAT. (#archive_missing_date) tarixində arxivləşdirilib. İstifadə tarixi: 29 avqust 2024.
- ↑ ""Danışır Bakı: 1900-1940-cı illər" / Rəngkarlıq Muzeyi". Edumap. 14 oktyabr 2019. 8 fevral 2021 tarixində arxivləşdirilib. İstifadə tarixi: 29 avqust 2024.