Bu məqalənin ensiklopedik tələblərə cavab vermədiyinə dair şübhələr var. |
Rəşad Xəlil oğlu Xudiyev — Naxçıvan Muxtar Respublikası təhsil nazirinin müavini (2024), NMR mədəniyyət nazirinin müavini (2018–2019), NMR mədəniyyət və turizm nazirinin müavini (2017–2018).
| Rəşad Xudiyev | |
|---|---|
  | |
Vəzifədədir | |
| 27 may 2024-cü ildən | |
| Nazir | Elxan Nəcəfov |
 | |
| Aprel 2018 – 18 mart 2019 | |
| |
| 29 noyabr 2017 – 23 aprel 2018 | |
| Şəxsi məlumatlar | |
| Doğum tarixi | 21 oktyabr 1977 (47 yaş) |
| Doğum yeri | |
| Vətəndaşlığı |
Azərbaycan |
| Partiya | |
| Təhsili | |
| Uşağı | 3 |
Rəşad Xəlil oğlu Xudiyev 21 oktyabr 1977-ci ildə Naxçıvan şəhərində anadan olub. 1984–1994-cü illərdə Naxçıvan şəhəri 7 nömrəli orta məktəbdə təhsil alıb. 1994-cü ildə Bakı Dövlət Universitetinin filologiya fakültəsinin Azərbaycan dili və ədəbiyyatı ixtisasına qəbul olub, 1998-ci ildə məzun olub. 2007–2010-cu illərdə isə Azərbaycan Respublikasının Prezidenti yanında Dövlət İdarəçilik Akademiyasında Dövlət və bələdiyyə idarəetməsi ixtisası üzrə qiyabi təhsil alıb.[1]
Yeni Azərbaycan Partiyasının üzüdür.[1]
Ailəlidir, üç övladı var.[1]
Rəşad Xudiyev əmək fəaliyyətinə 1998-ci ildə Babək rayonu Nehrəm kənd 1 nömrəli tam orta məktəbdə müəllim kimi başlayıb. Daha sonra Babək qəsəbə və Çeşməbasar kənd orta məktəblərində pedaqoji fəaliyyətini davam etdirib. 2003-cü ildə Babək Rayon Təhsil Şöbəsində metodist vəzifəsinə təyin olunub. 2005–2007-ci illərdə Naxçıvan Muxtar Respublikası Təhsil Nazirliyində aparıcı məsləhətçi, 2007-ci ilin may ayından isə həmin qurumda Aparat rəhbəri vəzifəsində çalışıb. 2017-ci il martın 1-dən Naxçıvan Muxtar Respublikası Nazirlər Kabineti Aparatının Humanitar və sosial məsələlər şöbəsində böyük məsləhətçi, həmin ilin avqust ayından isə baş məsləhətçi vəzifəsində fəaliyyət göstərib.[1]
Rəşad Xudiyev 29 noyabr 2017-ci ildə Naxçıvan Muxtar Respublikası mədəniyyət və turizm nazirinin müavini təyin edilib.[2] 23 aprel 2018-ci ildə NMR Mədəniyyət və Turizm Nazirliyinin əsasında NMR Mədəniyyət Nazirliyi və NMR Turizm Departamenti yaradılıb.[3] Daha sonra o, Naxçıvan Muxtar Respublikası mədəniyyət nazirinin müavini vəzifəsinə təyin olunub və 18 mart 2019-cu ilə qədər bu vəzifədə çalışıb.[4]
2019–2021-ci illərdə Naxçıvan Muxtar Respublikası Nazirlər Kabineti Aparatının humanitar və sosial məsələlər şöbəsinin müdiri, həmçinin 2020–2021-ci illərdə Heydər Əliyev Uşaq-Gənclər Yaradıcılıq Mərkəzinin direktoru olub. 2021–2024-cü illərdə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətində çalışıb.[1]
27 may 2024-cü ilin may ayında o, Naxçıvan Muxtar Respublikası təhsil nazirinin müavini vəzifəsinə təyin olunub.[5]
- ↑ 1 2 3 4 5 Naxçıvan Muxtar Respublikası Təhsil Nazirliyi. "Rəhbərlik". tehsil.nmr.az. İstifadə tarixi: 2025-04-22.
- ↑ "Naxçıvan Muxtar Respublikası mədəniyyət və turizm nazirinin müavini təyin edilib". Apa.az (az.). İstifadə tarixi: 2025-04-22.
- ↑ "Naxçıvan Mədəniyyət Nazirliyi və Naxçıvan Turizm Departamenti yaradılıb". Apa.az (az.). İstifadə tarixi: 2025-04-22.
- ↑ "Naxçıvanda nazir müavini vəzifəsindən azad edilib". Report İnformasiya Agentliyi (az.). 2020-06-21. İstifadə tarixi: 2025-04-22.
- ↑ "Naxçıvan təhsil nazirinə yeni müavin təyin olunub". Apa.az (az.). İstifadə tarixi: 2025-04-22.