Rütubətsevən bağacıq

Bu bağacığın başı kiçik olub, geniş və dairəvidir. Dilçəyi başın skul lövhəsinin təpəsindən kənara çıxır və onun zirvəsi təpə kənarından aşağıda yerləşir ki, ona böyürdən baxdıqda qabaq tərəfdən bir xətt təşkil etmir. Dilçəyin alt tərəfindəntəpəsinə yaxın enli bir çüxurluq vardır. Bel qabağının yan bucaqları bir qədər uzanır və qanad üstlüyünün əsasından bir az kənara çıxır. Digər bağacıq növlərinə nisbətən bədəni kiçikdir. Uzunuğu 8-10,5 mm.-dir.

Azərbaycanda bu növ ümumiyyətlə dağətəyi və dağlıq rayonlarda yayılmışdır. Bu növ Lənkəran zonasının dağətəyi rayonlarında (burada illik orta rütubət çoxdur) miqdarca daha çoxdur. Bu növə mavr bağacığı ilə bir yerdə daha çox rast gəlmək olur.

Aprelin birinci və ikinci ongünlüyündə bağacıqlar kütləvi surətdə mayalanma və yumurtaqoyma prosesinə başlayır. Sürfələri mavr bağacığının sürfələrinin inkişafına oxşayır. Lakin V yaş sürfədə, yaşlı fərdin (imaqo) əlamətləri çox azdır. Sürfə dövrü 30-40 gün davam edir. Başqa növ bağacıqlardan fərqli olaraq, bu növ hidrofil assosiosiyalı (yəni nəmli yerlərdə) bitki örtüyü olan sahələrdə yaşayır.

• C.A.Hidayətov. Azərbaycanda Kənd təsərrüfatı bitkilərinə zərər verən yarımsərtqanadlılar (taxtabitilər). 42 səh.