Rövşən Asəf oğlu Tağıyev (1981, Yengicə, İliç rayonu) — Azərbaycanlı iş adamı, hüquqşünas və ictimai xadim, "Kral Group" şirkətlər qrupunun təsisçisi.[1][2]
| Rövşən Tağıyev | |
|---|---|
| Rövşən Asəf oğlu Tağıyev | |
 | |
| Doğum tarixi | 1981 (43–44 yaş) |
| Doğum yeri | |
| Vətəndaşlığı |
 Azərbaycan |
| Milliyyəti | azərbaycanlı |
| Təhsili | |
| Fəaliyyəti | sahibkar, ictimai xadim, xeyriyyəçi |
| Fəaliyyət illəri | 2003–davam edir |
 Vikianbarda əlaqəli mediafayllar | |
Rövşən Tağıyev 1 sentyabr 2024-cü ildə keçiriləcək Milli Məclisə seçkilərdə 18 saylı Nərimanov-Nizami-Binəqədi seçki dairəsi üzrə namizədliyini irəli sürmüşdür.
Rövşən Asəf oğlu Tağıyev 1981-ci ildə Şərur rayonunun Yengicə kəndində anadan olmuşdur.[3] Atası Asəf Tağıyev baş həkim, həmçinin Naxçıvan Ali Məclisinin III çağırışı, IV çağırışı və V çağırışının deputatı olmuşdur.[4] 1997-ci ildə Şərur rayon Yengicə kənd məktəbini bitirmişdir. Bundan sonra Azərbaycan Dövlət Bədən Tərbiyəsi və İdman Akademiyasına daxil olmuş, təhsilini başa vuraraq hərbi xidmətə yollanmışdır. O, 2003-cü ildə yenidən təhsil almaq qərarına gəlmiş və Naxçıvan Dövlət Universitetinin Hüquq fakultəsinə daxil olmuşdur.[3]
Rövşən Tağıyev 2000-ci illərdə Naxçıvan Daxili işlər orqanlarında xidmətə başlamış, 2009-cu ildə isə öz xahişi ilə xidmətdən ayrılaraq Bakı şəhərinə köçmüş, burada sahibkarlıq fəaliyyətinə başlamış, eyni zamanda ictimai fəaliyyətlə məşğul olmuşdur. 2015-ci ildə Azərbaycan Respublikasının Daxili İşlər Nazirliyində fəaliyyətə başlamış və 2017-ci ildə öz ərizəsi ilə işdən ayrılmışdır.[3]
Rövşən Tağıyev 2010-cu ildə "Kral Rent a Car" avtomobil icarəsi şirkətini təsis etmişdir.[5] Sonradan şirkət turizm, təbabət və media kimi sektorları özündə birləşdirərək 2017-ci ilin aprel ayında "Kral Group" olaraq fəaliyyətini genişləndirmişdir.[6][7] 2012-ci ildə media orqanı kimi "Hürriyyət Azərbaycan", 2017-ci ildən turizmin inkişafında dövlətə dəstəyi ilə rol oynamış "Kral Turizm" fəaliyyətə başlamışdır.[5][8] 2020-ci ildən "Kral Təbabət" fəaliyyətə başlamışdır. Qurum bel-onurğa xəstəliklərinin əməliyyatsız müalicəsini həyata keçirir. "Kral Təbabət" əməkdar həkim-terapevt Asəf Tağıyevin rəhbərliyi altında fəaliyyət göstərir.[5] Bundan başqa, "Kral SR construction" tikinti sahəsi üzrə fəaliyyət göstərir.[9]
Rövşən Tağıyev 2011-ci ildən başlayaraq hər il Türkiyədə "Xocalıya ədalət" həftəsi tədbirində aktiv iştirakçısı olmuşdur. "Xocalıya ədalət" kompaniyasında Xocalı soyqırımı haqqında Türkiyə mediası və "İslahatçı Gənclər" Birliyi ilə birlikdə müxtəlif universitetlərdə, şəhərdə təbliğatı aparmağa başlamışdır. Həmin illərdən başlayaraq sosial vəziyyəti yaxşı olmayan insanlara yardımlar etmiş, həmçinin uşaq və qocalar evlərinə dəstək göstərmişdir.[5]
Rövşən Tağıyev 2016-cı il Aprel döyüşlərindən sonra xeyriyyəçilik fəaliyyətini şəhid ailələri və qazilərə yönəltmiş, onlara maddi və mənəvi kömək təmin etmişdir.[10] Rövşən Tağıyev 27 sentyabr 2020-ci ildə başlayan İkinci Qarabağ müharibəsi zamanı könüllü olaraq ön cəbhəyə getmiş, orduya maddi və mənəvi dəstək vermişdir. Müharibə bitdikdən sonra xeyriyyəçilik fəaliyyətini şəhid ailələrinə və qazilərə ayırmışdır.[5]
Rövşən Tağıyev 1 aprel 2025-ci il tarixli, "Reytinq naminə verilən qurban" başlıqlı məqalədə müasir medianın yüksək reytinq və klik qazanmaq üçün cəmiyyətdə dəyərləri zəiflədən, sensasiya və provokasiya xarakterli məzmuna üstünlük verdiyini iddia etmiş, media və sosial platformaların təqdim etdiyi absurd və təxribatçı başlıqların cəmiyyətin mənəvi dəyərlərinə mənfi təsir göstərdiyini bildirmişdir. O, medianın və texnologiyanın inkişafının cəmiyyətə faydalı ola biləcəyi, lakin yalnız dəyərlərə sadiq qalan məzmun təqdim edildikdə belə mümkün olacağını vurğulamışdır.[11]
2025-ci ilin noyabrında Rövşən Tağıyev dövlət qurumundakı korrupsioner bir məmurun barəsində aidiyyatı orqana göndərmişdir.[12] Şikayətdən 3 gün sonra "Teleqraf" saytında iddia edilmişdir ki, Rövşən Tağıyev "Kral Group" adlı şirkətin təsisçisidir və şirkətin dövlətə 48561 AZN vergi borcu yaranmışdır.[13] Tağıyev bu iddianı təkzib etmiş və bildirmişdir ki, onun təsisçisi olduğu şirkət "Kral Group" yox, "Kral şirkətlər qrupu"dur və "Kral Group MMC" adlı hüquqi şəxs ilə heç bir əlaqəsi yoxdur. O, saytın "yalan və mənfi məlumatları" sifariş əsasında tirajlandığını əlavə etmişdir.[14]
Rövşən Tağıyev 1 sentyabr 2024-cü ildə keçirilən Milli Məclisə seçkilərdə 18 saylı Nərimanov-Nizami-Binəqədi seçki dairəsi üzrə namizədliyini irəli sürmüşdür.[15][16] Onun namizədlik platforması vətəndaşların sosial problemləri, təhsil, səhiyyə, mədəniyyət və gənclərlə bağlı məsələləri əhatə etmişdir.[17] Seçkinin nəticəsində sözügedən dairədən Rasim Musabəyov seçilmişdir.[18] Tağıyev 1214 səs toplayaraq üçüncü yeri tutmuşdur.[19]
"İslahatçı Gənclər" İctimai Birliyi 2013-cü ildə "Azərbaycanda reallaşdırılan dövlət gənclər siyasətinə verdiyi dəstəyə və bu siyasətin təbliğindəki xidmətlərinə görə" Rövşən Tağıyevə fəxri diplom təqdim etmişdir.[20] Tağıyev "cəmiyyətin rifahı üçün göstərdiyi xidmətlərə görə" 2013-cü ildə Şimali Kipr Türk Respublikasında Avropa Qazeteçilər Dərnəyinin keçirdiyi mükafatlandırma mərasimində mükafata layiq görülmüş, həmçinin Azərbaycanda fəxri fərmanlar və mükafatlarla təltif olunmuşdur. Rövşən Tağıyev 30 iyun 2022-ci ildə "Golden People Awards" layihəsində ilin uğurlu iş adamı nominasiyasına layiq görülmüşdür.[5]
- ↑ "İşgüzar Səhər Yeməyi "La Maree" – 07.05.2024 – Marsol Group". 27 iyul 2024 tarixində arxivləşdirilib. İstifadə tarixi: 27 iyul 2024.
- ↑ ""Buta Sığorta" ilə bağlı qalmaqal böyüyür | Qaynarinfo.az". qaynarinfo.az. 27 iyul 2024 tarixində arxivləşdirilib. İstifadə tarixi: 27 iyul 2024.
- ↑ 1 2 3 "18 saylı dairədə Rasim Musabəyovun rəqibi Rövşən Tağıyev kimdir?-VİDEO". Editor.az. 12 avqust 2024.
- ↑ https://musavat.com/news/naxcivanda-bas-hekimin-isden-cixma-sebebini-oglu-aciqladi-virusa-yoluxmus-sexslerle-temasda-olub_691460.html
- ↑ 1 2 3 4 5 6 "Rövşən Tağıyev ilin uğurlu iş adamı nominasiyası ilə təltif olunub". Metbuat.az. 27 iyul 2024 tarixində arxivləşdirilib. İstifadə tarixi: 27 iyul 2024.
- ↑ "Pinti turistlər haqqında videoçarx gündəm oldu". 29 noyabr 2021 tarixində arxivləşdirilib. İstifadə tarixi: 27 iyul 2024.
- ↑ "Müştərilərimizi hava limanına pulsuz aparırıq - MÜSAHİBƏ". 12 dekabr 2025 tarixində arxivləşdirilib.
- ↑ ""Kral Travel" AÇILIŞ ETDİ". Tribunainfo.Az. 22 may 2017. 27 iyul 2024 tarixində arxivləşdirilib. İstifadə tarixi: 27 iyul 2024.
- ↑ "Nərimanov rayonu". azstat. 12 dekabr 2025 tarixində arxivləşdirilib.
- ↑ "İş adamı Qarabağ qazisinə şirkət hədiyyə etdi". -Yeni Sabah-. 14 fevral 2019. 27 iyul 2024 tarixində arxivləşdirilib. İstifadə tarixi: 27 iyul 2024.
- ↑ "Reytinq naminə verilən qurban!-Rövşən Tağıyev yazır". 1 aprel 2025.
- ↑ dövlət https://milletinsesi.info/az/article/105621
- ↑ "Tanınmış iş adamının xeyli miqdarda borcu yarandı". Axar.Az. 29 noyabr 2025.
- ↑ ""Adımı məqsədli şəkildə hallandırırlar" - İş adamı Rövşən Tağıyev". Yeni Çağ. 2 dekabr 2025.
- ↑ "18 saylı dairədə Rasim Musabəyovun rəqibi Rövşən Tağıyev kimdir? - VİDEO". azxeber.com.
- ↑ "18 saylı dairənin şanslı namizədi Rövşən Tağıyev kimdir?". Reportyor.az. 12 avqust 2024 tarixində arxivləşdirilib. İstifadə tarixi: 12 avqust 2024.
- ↑ https://azxeber.com/az/rvsen-taiyev-milli-meclise-genc-cevik-ve-xalq-ucun-real-is-grmek-isteyi-olan-sexsler-secilmelidir/secki2024/test
- ↑ "Azərbaycan Respublikasının Milli Məclisinə 2024-cü il sentyabrın 1-də keçirilmiş seçkilərdə səsvermənin ümumi yekunlarına dair Mərkəzi Seçki Komissiyasının protokolu" (PDF). Mərkəzi Seçki Komissiyası. 1 sentyabr 2024.
- ↑ https://www.infocenter.gov.az/archive/MilliMeclis2024.aspx?i=5&dsk=18
- ↑ ""İslahatçı Gənclər" gənclərin dostlarını bir araya gətirdi". publika.az. 28 yanvar 2014. 8 sentyabr 2022 tarixində arxivləşdirilib. İstifadə tarixi: 27 iyul 2024.