Qvadalupe Müqəddəs Məryəm kafedralı

Kafedralın təməl daşı 2 fevral 1898-ci ildə, "Rəbbin təqdim edilməsi" bayramı günü, Zamoranın ikinci yepiskopu Don Xose Ma Kazares tərəfindən qoyulub. Memarlıq planı Zamoralı memar Xesus Hernandez Sequraya aiddir. 1862-ci ildə qurulmuş yeparxiyanın bir kafedrala ehtiyacı var idi.

Məbədin tikintisinə 1898-ci ildə başlandı. Kafedral Neoqotika üslubunda layihələndirilmişdi. Beş geniş nefdən ibarət olmalı olan kafedralın 1910-cu ilin sonuna qədər dörd nefinin damı tamamlanmışdı. Tikintini sürətləndirmək üçün daha çox daşa ehtiyac var idi.

Meksikada vətəndaş müharibəsi Zamora və bütün ölkədə böyük problemlərə yol açdı. 1914-cü ildə inqilab və daha sonra Kristeros müharibəsi səbəbilə tikinti işləri bir müddətə dayandırıldı.

Bu illər ərzində kafedralın yalnız yarısı tamamlandı. Təəssüf ki, davam edən münaqişələr səbəbilə kafedralın tikintisinin orijinal layihələr itdi; yalnız fasadın bir eskizi və tikintinin ümumi planı qaldı. Həmçinin, daşların böyük bir hissəsi də itdi və ordu kafedralın bir daş divarını edam yeri kimi istifadə etdiyi üçün bina zədə aldı. Bu gün də divarda yüzlərlə güllə izi qalıb.

Bir çox cəhdlərdən sonra, 1988-ci ildə Zamoranın səkkizinci yepiskopu Xose E.Ximenez Robles kafedralın yenidən tikintisi üçün plan hazırlatdı. 1989-cu ildə binanı Qvadalupe Müqəddəs Məryəminə həsr etmək qərarı alındı. İqtisadi resursların çatışmazlığı və tikintinin tamamlanması üçün tələb olunan vaxt ən böyük çətinlik idi.

Kafedralda yenidənqurma işlərinə 1990-cı ildə başlanıldı. Orijinal planlaşdırılmış fasad əvəzinə yeni fasad hazırlandı və bu, Milan kafedralına bənzəyirdi. Kəsişmə üzərində planlaşdırılan qübbə əvəzinə bir şpil yerləşdirildi, bu da qotik memarlıq üslubuna uyğun element idi. Kilsə divarları təmizləndi, çatlar təmir edildi və divarları möhkəmləndirildi. Qüllələrini daha geniş və möhkəm etmək üçün yenidən dizayn edildi və binanın dayanıqlığını artırmaq üçün həyəti döşəndi.

Hal-hazırda tikinti işləri tamamlanmaq üzrə olan kafedralın son detalları üzərində işlər davam edir. Potsdam şəhərində yerləşən Aleksandr Şuke Potsdam Orgelbau şirkəti tərəfindən hazırlanan orqan 2009-cu ilin əvvəllərində quraşdırıldı. Yeni quraşdırılan şpirlərlə qüllələrinin hündürlüyü 107,5 metrə çatır. Sütunlardakı nişlərə müqəddəslərin heykəlləri yerləşdirilib, altında isə onların adları yazılmış lövhələr də vardır.

•  
  105 m-lik qüllələr
•  
  Gül pəncərəsi və müqəddəslərin heykəlləri
•  
  Gül pəncərəsinin dizaynı
•  
  Mərkəzi nef
•  
  Mərkəzi nefin tağları
•  
  Orqan

• DiocesisdeZamora.org
• Images of the new organ installation by Alexander Schuke Potsdam Orgelbau