Quruluş Osman (III mövsüm) — Quruluş Osman teleserialının III mövsümüdür. Bu mövsüm 65-ci bölümlə 6 oktyabr 2021-ci ildə yayımlanmağa başlanılmış və 15 iyun 2022-ci ildə yayımlanmış olan 98-ci bölümlə başa çatmışdır. Bu mövsüm ərzində ümumilikdə 34 seriya çəkilmişdir. Bu mövsümün yeni aktyor heyətinə Serhat Kılıç (Mixael Kosses), Rüzgar Aksoy (Turqut bəy), Yıldıray Şahinler (Rogatus Laskaris) və digər aktyorlar qatılmışdırlar. Bundan əlavə, serialın bu mövsümündə Maruf Otajonov (Keyxatu) və Şener Savaş (Sultan Məsud; qonaq aktyor kimi) yenidən aktyor heyətinin tərkibinə qatılmışdırlar.
| III mövsüm | |
|---|---|
| Ölkə |  Türkiyə |
| Ekranlaşdırma | |
| Orijinal efir | 6 oktyabr 2021 – 15 iyun 2022 |
| Mövsüm xronologiyası | |
← Əvvəlki Quruluş: Osman (II mövsüm) Sonrakı → Quruluş Osman (IV mövsüm) | |
Orxanın dünyaya gəlməsi ilə bütün Qayı obası və regionda yaşayan türkmənlər sevincə qərq olurlar. Osman bəy Pastor Qreqoru almaq üçün hərəkətə keçir, lakin Roqatusun adamı olan Feodor və katalonlar da Pastor Qreqoru ələ keçirmək istəyirlər. Lakin onların heç biri pastoru ələ keçirə bilmir və beləliklə də Qreqor Osmanın əlinə keçir. Aya Nikola qalaya gələn zaman Harmankaya Təkfuru Mixael Kosses və Biləcik Təkfuru Roqatus Laskarisi görür onlarla birləşir. Mixael Kosses Turqut bəyin alplarını əsir götürür, bundan sonra isə Turqut bəy Kossesin bacısı Marini qaçırır. Lakin Osman bəy onu razı salmağı bacarır və Turqut bəy Marini Osman bəyə verir. Malhun xatun Bala xatunun hamilə olmasını da öyrənir. Osman bəy obaya gəldiyi zaman çoxlu şəhidlər görür. Əziz dostu Qarayelin (Osman bəyin atı) ölümünə qəzəblənən Osman bəy bu işin arxasında kimlərin dayandığını öyrənməyə çalışır.