Qurban Qurbanov (28 yanvar 2002, Muradxan, Kürdəmir rayonu) — Azərbaycanı təmsil edən yunan-Roma güləşçisi, 2025-ci il Avropa çempionatının qalibi.[1]
| Qurban Qurbanov | ||||||||
|---|---|---|---|---|---|---|---|---|
.jpg) | ||||||||
| Şəxsi məlumatlar | ||||||||
| Tam adı | Qurban Osman oğlu Qurbanov | |||||||
| Vətəndaşlığı |
 Azərbaycan |
|||||||
| Doğum tarixi | 28 yanvar 2002 (23 yaş) | |||||||
| Doğum yeri | Moskva şəhəri, Rusiya | |||||||
| Boyu | 183 sm. | |||||||
| İdman növü | Güləş | |||||||
| Karyera illəri | 2010– | |||||||
|
Medallar
|
||||||||
 Vikianbarda əlaqəli mediafayllar | ||||||||
Qurban Qurbanov 28 yanvar 2002-ci ildə anadan olub. 2010-cu ildən güləşlə məşğul olmağa başlayıb. Turac Hüseynlinin rəhbərliyi altında məşq edir, Neftçi İdman Klubunda çıxış edir. Azərbaycan İdman Akademiyasında təhsil alıb.
Qurban Qurbanov 2017-ci ilin sentyabrında Afina şəhərində (Yunanıstan) baş tutan yeniyetmələr arasında Dünya Çempionatında mübarizə apardı. Turnirdə bütün rəqibləri üzərində qələbə qazanan Qurban Qurbanov, yeniyetmələr arasında Dünya Çempionatının qalibi oldu.
2018-ci ildə isə Qurban Qurbanov yeniyetmələr arasında Avropa və Dünya Çempionatlarında mübarizə apardı. Əvvəlcə Qurban Qurbanov mayda Shopye şəhərində (KYRM) baş tutan Avropa Çempionatında mübarizə apardı. Turnirin həlledici görüşündə Bolqarıstan nümayəndəsi Edmond Nazaryana məğlub olan Qurban Qurbanov, turnirin gümüş medalına sahib oldu. İyulda isə Qurban Qurbanov Zaqreb şəhərində (Xorvatiya) baş tutan Dünya Çempionatında mübarizə apardı və turniri bürünc medalla başa vurdu.
Qurban Qurbanov növbəti uğuruna 2019-cu ilin iyulunda imza atdı. Avropa Yeniyetmələrinin Olimpiya Festivalında mübarizə aparan Qurban Qurbanov, turnirin final görüşündə Gürcüstan güləşçisi Kviça Abuladze üzərində qələbə qazandı və turnirin qalibi oldu.
2021-ci ildən Qurban Qurbanov gənclər arasında baş tutan turnirlərdə mübarizə aparmağa başladı. İyulda Dortmund şəhərində (Almaniya) baş tutan gənclər arasında Avropa Çempionatının gümüş medalına sahib olan Qurban Qurbanov, noyabrda Belqrad şəhərində (Serbiya) U-23 Dünya Çempionatını 11-ci pillədə başa vurdu.
Qurban Qurbanov növbəti uğurlarına 2022-ci ildə imza atdı. İyunda Roma şəhərində (İtaliya) baş tutan U-20 Avropa Çempionatının final görüşündə məğlub olan Qurban Qurbanov, avqustda Sofiya şəhərində (Bolqarıstan) baş tutan U-20 Dünya Çempionatının qalibi oldu. Pontevedra şəhərində (İspaniya) baş tutan U-23 Dünya Çempionatında isə Qurban Qurbanov final görüşündə Xorvatiya nümayəndəsi Pavel Puhlaveç üzərində qələbə qazandı və turnirin qızıl medalına sahib oldu.
Ardınca Qurban Qurbanov 2023-cü ildə Buxarest şəhərində (Rumıniya) və 2024-cü ildə Bakı şəhərində (Azərbaycan) baş tutan U23 Avropa Çempionatlarında ardıcıl qələbələr qazanaraq qızıl medalların sahibi oldu. 2024-cü ildə Tirana şəhərində (Albaniya) debüt Dünya Çempionatını beşinci pillədə başa vurdu.[2] Həmin il Qurbanov həm də birinci dəfə Azərbaycan Çempionatının qalibi oldu.
2025-ci ildə Qurbanovun birinci turniri fevralında Xorvatiyada baş tutan Zagreb Open beynəlxalq turniri idi və o, həmin turniri bürünc medalla başa vurdu. Apreldə isə Qurban Qurbanov Bratislava şəhərində debüt Avropa Çempionatında bütün rəqibləri üzərində qələbə qazanaraq turnirin qalibi oldu.
| Yeniyetmələrin Dünya Çempionatı |  Yunanıstan
|
|||
| Yeniyetmələrin Avropa Çempionatı |  KYRM
|
|||
| Yeniyetmələrin Dünya Çempionatı |  Xorvatiya
|
|||
| Yeniyetmələrin Avropa Olimpiya Festivalı | Azərbaycan
|
|||
| Gənclərin Avropa Çempionatı |  Almaniya
|
|||
| U-23 Dünya Çempionatı |  Serbiya
|
|||
| U-20 Avropa Çempionatı |  İtaliya
|
|||
| U-20 Dünya Çempionatı |  Bolqarıstan
|
|||
| U-23 Dünya Çempionatı |  İspaniya
|
|||
| U-23 Avropa Çempionatı |  Rumıniya
|
|||
| U-23 Avropa Çempionatı | Azərbaycan
|
|||
| Dünya Çempionatı |  Albaniya
|
|||
| Zagreb Open | Xorvatiya
|
- ↑ International Wrestling Database. "Gurban GURBANOV". www.iat.uni-leipzig.de (ingilis). 2022-08-22. İstifadə tarixi: 22.08.2022.
- ↑ Azerisport.com idman portalı. "Тройной удар азербайджанской борьбы". www.azerisport.com ( (rus.)). 25.08.2024. İstifadə tarixi: 25.08.2024.