Qurbağa çoxağızlısı

Qurbağa çoxağızlısının uzunluğu 6-8mm, eni isə 2-4mm-dir. Bədəni uzunsov formada olub, orta hissədə bir qədər daralır və dal tərəfdən enliləşmişdir. Dal tərəfdə sahibin bədənindən yapışmağa xidmət edən və sormaclardan təşkil olunmuş disk vardır. Sormaclar 6 ədəddir və iki cərgədə simmetrik yerləşmişdir. Sormaclar disk şəkillidir və daxili orqanlarla əlaqəsi yoxdur. Hər iki dal sormacların arasında iki iri kutikulyar qarmaqcıq vardır. Bununla yanaşı, sormaclı diskdə 16 ədəd kiçik qarmaqcıqlar da vardır.

Qurbağa çoxağızlısı yetkin mərhələdə qurbağanın sidik kisəsində parazitlik edir. Parazitin inkişafı qurbağanın çoxalması ilə bağlı olur və eyni vaxtda baş verir. Qurbağa çoxağızlısı yazda yumurtalarını qurbağanın kloakasından suya tökür. Yumurtadan üzəri kirpiklərlə örtülü olan sürfələr çıxır. Sürfədə gözcük və yapışmağa xidmət edən diskin qarmaqları (16 ədəd) olur. Sürfə suda müəyyən müddət üzdükdən sonra qurbağanın sürfəsi olan çömçəquyruğa rast gələrək onun qəlsəməsinə yapışır. Burada o qidalanır, tez böyüyür və əlverişli şərait olarsa, 20-25 gün müddətində cinsi yetişkənliyə çatır və yumurta qoymağa başlayır.

Parazit həyat tərzi keçirir. Parazitin cinsi yetişkənliyə çatması çömçəquyruq inkişaf mərhələsindən asılı olaraq dəyişir. Çömçəquyruğun inkişaf mərhələsindən asılı olaraq, xarici qəlsəmələr daxilə keçir və sonra atrofiya olunaraq ağciyərlə əvəz olunur. Yaşayış mühiti pozulduğuna görə qəlsəmədə ektoparazitlik edən sürfə əvvəlcə daxili qəlsəməyə, sonra isə bağırsağa keçərək qurbağann sidik kisəsinə gəlir və burada yaşayır.

• Hermafroditdir.

• Yastı qurdlar
• Diplozoon paradoxum

• Polystoma Integerrimum: Habitat, Structure and Life Cycle

• Bəhlul Ağayev, Zülfiyyə Zeynalova Onurğasızlar Zoologiyası Bakı 2008

1. ↑ Integrated Taxonomic Information System (ing.). 1996.