Qunma Şüşə Sənəti Muzeyi (群馬ガラス工芸美術館, Qunma Qarasu Koqey Bicutsukan?) – Yaponiyanın Qunma prefekturasının Şibukava şəhərində yerləşən incəsənət muzeyi. Muzey modern üslubda hazırlanmış şüşə sənəti əsərlərinə həsr olunmuşdur.
| Qunma Şüşə Sənəti Muzeyi | |
|---|---|
 | |
 | |
| Ölkə | |
| 36°29′55″ şm. e. 138°57′19″ ş. u.HGYO | |
| ggart.co.jp | |
Qunma Şüşə Sənəti Muzeyi 1998-ci ildə açılmışdır.[1] 2003-cü ilin iyulunda yenidənqurma işlərindən sonra yenidən açılmışdır.[2]
Haruna dağının ətəyində yerləşən muzey meşə ilə əhatə olunmuşdur və yaxınlıqda kiçik çay axır. Burada Fransanın Nansi bölgəsindən olan Emil Qalle və Daum qardaşları kimi şüşə sənətkarlarının əsərləri sərgilənir. Muzeyin girişində Emil Qallenin emalatxanasındakı darvazanın replikası yerləşir. Muzeydə modern insənətin və Nansi məktəbinin tarixi haqqında məlumatlar təqdim olunur.[1]
Modern mebel sənətçisi Jak Mojerel tərəfindən yaradılmış, ginkqo motivli mebellər muzey eksponatları arasındadır. Muzeyin Emil Qalleyə həsr olunmuş bölməsində onun Yaponiya rəssamı Hokusaydan təsirlənərək yapon və fransız incəsənətini birləşdirməsi faktı vurğulanır.[1] Emil Qallenin şagirdləri olmuş Daum qardaşlarının "Qış mənzərəsi" seriyasına daxil olan əsərləri üçün də ayrı bölmə mövcuddur.[2] Muzeyin çıxışında Emil Qallenin məşhur əsəri "Şəlalə mənzərəli lampa" əsəri sərgilənir.[1]
Muzeydə şüşə sənəti ilə bağlı vorkşoblar keçilir və ziyarətçilər şüşədən öz əsərlərini yarada bilirlər. Muzeyin mağazasında müxtəlif şüşə sənəti əsərləri satılır.[1]
- ↑ 1 2 "美術館について". Muzeyin rəsmi saytı (yaponca). 2023-12-02 tarixində arxivləşdirilib. İstifadə tarixi: 26 aprel 2024.
- ggart.co.jp — rəsmi saytı