Bu məqaləni vikiləşdirmək lazımdır. |
Qasımov Qubad Abdulla oğlu (27 iyul (8 avqust) 1896, Qarğabazar, Cəbrayıl qəzası – 1993, Bakı) — musiqişünas, tarix elmləri namizədi (1949), Azərbaycanın Əməkdar mədəniyyət xadimi (1968), Üzeyir bəy Hacıbəyovun bacanağı.
| Qubad Qasımov | |
|---|---|
| Qubad Abdulla oğlu Qasımov | |
 | |
| Doğum tarixi | 27 iyul (8 avqust) 1896 |
| Doğum yeri | |
| Vəfat tarixi | 1993 |
| Vəfat yeri | |
| İxtisası | Musiqi tarixi |
| Təhsili | Azərbaycan Dövlət Universiteti |
| Fəaliyyəti | tarixçi, musiqişünas |
| Elmi dərəcəsi | |
| Elmi adı | |
 |
|
 Vikianbarda əlaqəli mediafayllar | |
Qubad Qasımov 1896-cı ildə Cəbrayıl qəzasının Qarğabazar kəndində anadan olmuşdu. Orta təhsilini doğma kəndlərində almışdı. 1928-ci ildə Azərbaycan Dövlət Universitetinin Şərqşünaslıq fakültəsini bitirmişdir. 1940–1944-cü illərdə ADK-da musiqi elmi-tədqiqat kabinəsinin elmi işçisi, 1944–1945-ci illərdə SSRİ EA Azərbaycan filialının incəsənət sektorunun, 1945-ci ilin aprelindən isə Azərbaycan EA-nın İncəsənət İnstitutunun elmi katibi işləmiş, 1955-ci ildən Memarlıq və İncəsənət İnstitutunda teatr və musiqi şöbəsinin müdiri, baş elmi işçi olmuşdu. Üzeyir bəy Hacıbəyovun ədəbi-publisistik və musiqi yaradıcılığına dair tədqiqatların — "Ü. Hacıbəyov" monoqrafiyası (1945, rusca; 1949, azərbaycanca), "Ü. Hacıbəyov. Biblioqrafiya" (1947), çoxsaylı məqalələrin müəllifi, Azərbaycanın elm və mədəniyyət xadimləri silsiləsindən nəşr edilən "Ü. Hacıbəyov" biblioqrafiyasının (1976, 1985) müəlliflərindən biridir. Üzeyir bəy Hacıbəyovun ədəbi və elmi irsinin toplanması, tərtib və nəşr olunmasında xidməti var.[1][2][3]
Qubad Qasımov 1993-cü ildə vəfat edib.
- ↑ "Касимов Кубад Абдулла оглы". uzeyirbook.musigi-dunya.az. 2013. 4 May 2014 tarixində arxivləşdirilib. İstifadə tarixi: 15 November 2022.
- ↑ "Qasımov Qubad Abdulla oğlu". photoirs.musigi-dunya.az. 2018. 15 November 2022 tarixində arxivləşdirilib. İstifadə tarixi: 15 November 2022.
- ↑ "Azad edilmiş torpaqlarımızın musiqiçiləri: Qubad Qasımov". medeniyyet.az. 2020. 15 November 2022 tarixində arxivləşdirilib. İstifadə tarixi: 15 November 2022.