Quba kapriççiosu — Azərbaycanın dünya şöhrətli yazıçısı Çingiz Abdullayevin 2008-ci ildə nəşr edilmiş romanıdır. Əsər tanınmış ekspert-kriminalist Dronqo haqqında silsilə romanlardan biridir.
| Quba kapriççiosu | |
|---|---|
| Müəllif | Çingiz Abdullayev |
| Janrlar | Detektiv, Macəra |
| Orijinalın dili | Azərbaycan dili[1] |
| Orijinalın nəşr ili | 2008 |
| Seriya | Dronqo |
| Nəşriyyat | "NURLAR" Nəşriyyat-Poliqrafiya Mərkəzi |
| Səhifə | 224 |
| Növ | Roman |
| Tiraj | 2000 |
| ISBN-13 | 978-9952-450-01-9 |
| Elektron versiya | |
Roman bəşər tarixindəki ən məşhur almazlardan birinin müasir dövrdəki taleyindən və macəralarından bəhs edir. Belə tarixi ləl-cavahiratın hər biri özündən sonra uzun, faciəli və qanlı izlər buraxmış, mənsub olduğu sahiblərinə daima çətinliklər və fəlakətlər gətirmişdir.
Tanınmış ekspert-kriminalist Dronqo fəaliyyətinə Quba yəhudisi olan zərgər Semyon İzmaylova məxsus olub itmiş "Şah Abbas" almazının axtarışları ilə başlayır. Lakin o, almazın izini sürərkən eyni zamanda baş verən bir sıra qətl hadisələrini də araşdırmaq və çözmək zərurəti ilə üzləşir. Əsər cinayət, sirr və tarixin kəsişməsində cərəyan edən gərgin süjet xətti ilə seçilir.
"Xeyirlə şərin rəqsi" filmi, "Quba kapriççiosu" romanının motivləri əsasında ekranlaşdırılmışdır.[2]
- ↑ "ÇİNGİZ ABDULLAYEVİN "QUBA KAPRİÇÇİOSU" KİTABININ TƏQDİMATI KEÇİRİLMİŞDİR". AZƏRTAC. 13 fevral 2009.
Kitabı ruscadan Azərbaycan dilinə tərcümə edən Munisə Dadaşqızı....
- ↑ ""Xeyir ilə Şərin rəqsi"". Mədəniyyət qəzeti. 6 mart 2015.
- Roza Tağıyevanın səsi ilə "Quba kapriççiosu" romanından bir parça, Azərbaycan Radiosu
- "Кубинское каприччио" (rus dilində səsləndirilmə)