Qinzburq göydələni (ukr. Хмарочос Гінзбурга) və ya Qinzburq evi (ukr. Дім Гі́нзбурга) – Kiyevdə yerləşmiş 12 mərtəbəli, 67,5 metr hündürlüyündə göydələn. "Ukraynanın ilk göydələni" kimi tanınan bu bina 1912-ci ildə tamamlanmış və 1941-ci ildə dağıdılmışdır.
| Qinzburq göydələni | |
|---|---|
 | |
 | |
| Ümumi məlumatlar | |
| Memarlıq üslubu | Modern memarlığı |
| Ölkə | |
| Koordinatlar | 50°26′54″ şm. e. 30°31′39″ ş. u.HGYO |
 Vikianbarda əlaqəli mediafayllar | |
Göydələn 1910–1912-ci illərdə tikilmişdir. Tikili gəlir evi kimi istifadə olunurdu. Göydələndə 94 mənzil yerləşirdi və onların ən böyüyü 11 otaqlı idi. Ümumilikdə isə binada 500-ə yaxın otaq var idi.[1]
Qinzburq göydələninin birinci mərtəbələrində ticarət mərkəzi yerləşirdi. Binada Kiyevin panoramasına tamaşa etməyə imkan verən bir qüllə var idi.
1913-cü ilin payızında rəssam Oleksandr Muraşko göydələnin 12-ci mərtəbəsində eyni vaxtda 100-ə yaxın insanın təhsil aldığı "Oleksandr Muraşkonun sənət studiyası"nı açmışdır. Burada rəsm və rəngkarlıqla yanaşı, incəsənət tarixi və fəlsəfəsi haqqında da mühazirələr oxunurdu. Studiya 1917-ci ilə qədər fəaliyyət göstərmişdir.[2]
1918-ci ilin aprelində Ukrayna Xalq Respublikasının 6 zabitdən ibarət fransız hərbi missiyası bu binada yerləşirdi.[3]
Bina 1929-cu ildə eksperimental sovet filmi olan "Kinokameralı adam " filminin çəkilişində istifadə edilmişdir. Filmdə qüllənin və göydələnin daxili həyətindən səhnələr görmək mümkündür.
Göydələn 24 sentyabr 1941-ci ildə Almaniyanın Rusiya işğalı zamanı SSRİ Xalq Daxili İşlər Komissarlığı tərəfindən uçurulmuş, 1950-ci illərin əvvəllərində isə bünövrəsinin sökülməsi ilə tamamilə dağıdılmışdır.[4][5] 1954–1961-ci illərdə Qinzburq göydələninin yerində Moskva hoteli (2001-ci ildən "Ukrayna" hoteli) tikilmişdir.
-
Binanın divarları. -
Pəncərəsindən mənzərə. -
Qülləsi. -
1920-ci illərdə. -
Binanın dağıntıları (1941).
.jpg)
- ↑ "Первый небоскреб". www.socmart.com.ua. 2016-03-13 tarixində arxivləşdirilib. İstifadə tarixi: 2022-09-12.
- ↑ "КАРУСЕЛЬ... ОЛЕКСАНДР МУРАШКО — ХУДОЖНИК КОЛЬОРУ". Зеркало недели | Дзеркало тижня | Mirror Weekly. 2023-03-04 tarixində arxivləşdirilib. İstifadə tarixi: 2022-09-12.
- ↑ "Битва за Украину: как Антанта уступила УНР Германии". hvylya.net (rus). 2015-01-27. 2023-03-04 tarixində arxivləşdirilib. İstifadə tarixi: 2022-09-12.
- ↑ admin. "Секретный Киев: Небоскреб Гинзбурга | Заметкин" (rus). 2022-09-28 tarixində arxivləşdirilib. İstifadə tarixi: 2022-09-25.
- ↑ "Wayback Machine". web.archive.org. 2009-01-29. 2009-01-29 tarixində arxivləşdirilib. İstifadə tarixi: 2022-10-20.