Qazax Rayon İcra Hakimiyyəti — Qazax rayonunda fəaliyyət göstərən yerli icra hakimiyyəti orqanı.[1]
| Qazax Rayon İcra Hakimiyyəti | |
|---|---|
| (Qazax RİH) | |
| Ümumi məlumatlar | |
| Ölkə |
 Azərbaycan |
| Yaradılma tarixi | 18 noyabr 1991 |
| İllik büdcəsi | 22 milyon AZN |
| Rəhbərlik | |
| İcra başçısı | Rəcəb Babaşov |
|
|
|
| Rəsmi saytı | qazax-ih.gov.az/az |
Qazax Rayon İcra Hakimiyyəti Azərbaycan Respublikası Prezidentinin 1991-ci il 18 noyabr tarixli fərmanı ilə yaradılmışdır. Bu tarixdən etibarən ölkənin bütün rayonlarında olduğu kimi, Qazaxda da sovet dövründən qalan yerli idarəetmə strukturları ləğv edilərək, yerli icra hakimiyyətləri təşkil olunmuşdur.[2]
Qazax Rayon İcra Hakimiyyəti başçısı Prezident tərəfindən təyin olunur və birbaşa ona tabedir. İcra Hakimiyyətinin aparatına müxtəlif şöbələr daxildir:[3]
- Ərazi idarəetmə və yerli özünüidarəetmə orqanları ilə iş şöbəsi
- Hüquq şöbəsi
- İctimai-siyasi və humanitar məsələlər şöbəsi
- Sosial-iqtisadi inkişafın təhlili və proqnozlaşdırılması şöbəsi
- Vətən müharibəsi iştirakçıları və şəhid ailələri ilə işin təşkili şöbəsi
- Memarlıq və tikinti şöbəsi
- Sənədlərlə və vətəndaşların müraciətləri ilə iş şöbəsi
Qazax rayonuna müxtəlif illərdə bir neçə icra başçısı rəhbərlik etmişdir. 2016-cı ildən bəri bu vəzifəni Rəcəb Babaşov tutur. Qazax Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin 19 may 2016-cı il tarixli Sərəncamı ilə Rəcəb Abas oğlu Babaşov icra başçısı təyin edilmişdir. Əvvəlki icra başçıları aşağıdakı kimidir:[4]
| № | İcra başçısı | Xidmət illəri | Siyasi partiya |
|---|---|---|---|
| 1 | Cavanşir Carçıyev | 1992 | AXCP |
| 2 | Nəsimi Şahmaliyev | 1992–1995 | — |
| 3 | Əsəd Orucov | 1995–2004 | — |
| 4 | Rauf Hüseynov | 2004–2011 | YAP |
| 5 | Ayaz Əsgərov | 2011–2016 | YAP |
| 6 | Rəcəb Babaşov | 2016-cı ildən | YAP |
- ↑ NModern. "Azərbaycan Respublikası Qazax Rayon İcra Hakimiyyəti". www.qazax-ih.gov.az (az.). İstifadə tarixi: 2025-05-30.
- ↑ "R.A.Hüseynovun Qazax rayonu İcra hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-05-30.
- ↑ Crocusoft. "E-QANUN". e-qanun.az (ingilis). İstifadə tarixi: 2025-05-30.
- ↑ Crocusoft. "E-QANUN". e-qanun.az (ingilis). İstifadə tarixi: 2025-05-30.
- qazax-ih.gov.az — rəsmi saytı