Qaz Muzeyi (がす資料館, Qasu Şiryokan?) – Yaponiyanın Tokio prefekturasının Kodayra şəhərində yerləşən şirkət muzeyi. Tokionun ən böyük qaz şirkəti "Tokyo Gas"ın fəaliyyətinə və tarixinə həsr olunmuşdur.
| Qaz Muzeyi | |
|---|---|
_02.jpg) | |
 | |
| Açılış tarixi | 1967 |
| Ölkə | |
| Yerləşir | Kodayra[d] |
| 35°44′31″ şm. e. 139°30′02″ ş. u.HGYO | |
| gasmuseum.jp | |
 Vikianbarda əlaqəli mediafayllar | |
"Tokyo Gas" şirkəti 1885-ci ildə qurulmuşdur. Şirkətin və qazın tarixinə həsr olunmuş muzey 1967-ci ildə açılmışdır. Qaz Elmi Muzeyi ilə birlikdə "Tokyo Gas" tərəfindən açılmış iki qaz muzeyindən biridir.[1]
Qaz Muzeyi Tokio şəhərində qaz sənayesinin tarixi, eləcə də, qazın gündəlik həyatı rolu haqqında məlumat verir. Burada qazın Meyci dövründən etibarən tarixindən bəhs edən sərgilər yerləşir. Muzeyi Qərb üslubunda olan kərpic binada yerləşir. Muzeydə xüsusi sərgilər, eskiz sərgiləri, konsertlər, ailə tədbirləri keçirilir. Muzeyin kolleksiyasına Meyci dövrünə aid 400 nişiki-e qravürü, eləcə də, hamamda və mətbəxdə istifadə olunan qazla bağlı 1200-dən çox təchizat və ləvazimat daxildir.[2]
Muzey kompleksi 2 əsas tikilidən və qaz lampası bağından ibarətdir. Əsas bina Kuraşikan (くらし館は?) keçmişdə "Tokio Gas" şirkətinin Sencu fabriki kimi istifadə olunmuşdur və 1912-ci ildə tikilmişdir. Bu binada şəhərin qazın tarixindən və qaz tədarükündən bəhs edən sərgilər yerləşir, Şova dövrünə aid fotolar nümayiş etdirilir.[3] Kömür istehsalına həsr olunmuş guşədə Yaponiyanın ən qədim qaz borusu sərgilənir.[4] Şibusava Eyiçi qalereyası Yaponiyanın qaz sənayesinin inkişafında böyük rolu olmuş sənayeçi Şibusava Eyiçinin fəaliyyətini əks etdirən fotolar nümayiş etdirilir.[5] Şova dövrü mətbəxi guşəsində 1930-cu illərdə Yaponiya evlərində mövcud olan tipik mətbəxlərin modeli yaradılmışdır.[6]
Qaz lampası binası 1909-cu ildə "Tokyo Gas" şirkətinin ofisi kimi tikilmiş binada yerləşir. Bu bina qaz lampalarına və dünyada qaz sənayesinin tarixinə həsr olunmuşdur. Burada 14.000-dən çox eksponat sərgilənir.[7] Birinci mərtəbə qaz lampalarının iş prinsipinə həsr olunmuşdur.[8] "Tokio Gas" şirkətinin tarixinə həsr olunmuş guşədə şirkətin yaradılma tarixi haqqında məlumat verilir, qaz mövzusunda nişiki-elər sərgilənir.[9] Qaz lampası qalereyası bölməsində Meyci dövründən Tayşo dövrünə qədər istifadə olunmuş qaz lampalarının sərgisi yerləşir.[10] Binada qaz lampaları kolleksiyaçısı olan Masuo Şiniçinin kolleksiyası sərgilənir. O, 2009-cu ildə kolleksiyasının böyük hissəsini muzeyə bağışlamışdır. Muzeyin nişiki-e kolleksiyası bu binada yerləşir.[11]
Qaz lampaları bağçasında dünyanın müxtəlif yerlərində istifadə olunmuş 17 tarixi qaz lampası quraşdırılmışdır. Bu lampalardan biri 1872-ci ildə Yokohamada quraşdırılmış və Yaponiyanın ilk qaz lampalarından biri olan olan lampadır. Bağçada London, Paris, Malaqa, Köln şəhərlərində istifadə olunmuş tarixi qaz lampaları sərgilənir.[12]
_03.jpg)
_01.jpg)
_04.jpg)
- ↑ "東京ガスの歴史". Muzeyin rəsmi saytı (yaponca). İstifadə tarixi: 15 yanvar 2025.
- ↑ "ガスミュージアムについて". Muzeyin rəsmi saytı (yaponca). İstifadə tarixi: 15 yanvar 2025.
- ↑ "くらし館". Muzeyin rəsmi saytı (yaponca). İstifadə tarixi: 15 yanvar 2025.
- ↑ "石炭から始まったガス製造". Muzeyin rəsmi saytı (yaponca). İstifadə tarixi: 15 yanvar 2025.
- ↑ "渋沢栄一ギャラリー". Muzeyin rəsmi saytı (yaponca). İstifadə tarixi: 15 yanvar 2025.
- ↑ "昭和の台所". Muzeyin rəsmi saytı (yaponca). İstifadə tarixi: 15 yanvar 2025.
- ↑ "ガス灯館". Muzeyin rəsmi saytı (yaponca). İstifadə tarixi: 15 yanvar 2025.
- ↑ "ガス灯点灯実演". Muzeyin rəsmi saytı (yaponca). İstifadə tarixi: 15 yanvar 2025.
- ↑ "東京ガスの設立". Muzeyin rəsmi saytı (yaponca). İstifadə tarixi: 15 yanvar 2025.
- ↑ "ガスライトギャラリー". Muzeyin rəsmi saytı (yaponca). İstifadə tarixi: 15 yanvar 2025.
- ↑ "灯火の移り変わり". Muzeyin rəsmi saytı (yaponca). 12 sentyabr 2024 tarixində arxivləşdirilib. İstifadə tarixi: 15 yanvar 2025.
- ↑ "ガスライトガーデン". Muzeyin rəsmi saytı (yaponca). İstifadə tarixi: 15 yanvar 2025.
- gasmuseum.jp — rəsmi saytı