Qasımlar (əvvəlki adı: Kilsə[1][2]) — Azərbaycan Respublikasının Kəlbəcər rayonunun Çaykənd kənd inzibati ərazi dairəsində kənd.[3]
| Qasımlar | |
|---|---|
| 40°08′ şm. e. 46°06′ ş. u.HGYO | |
| Ölkə | |
  Qasımlar | |
Kənd dağətəyi ərazidə yerləşir[4].
Azərbaycan toponimlərinin ensiklopedik lüğətində qeyd olunur ki, yerli əhalidən olan məlumata görə, bu yaşayış məntəqəsini XIX əsrdə indiki Laçın rayonunun Alxaslı kəndindən gəlmiş Qasım Məhərrəmoğlu tərəfindən salınmışdı, və bu səbəbdən bu yaşayış məntəqəsinə Qasımlı da deyilir. Bu kənd meşənin ortasında, köhnə kənd yerində, qədim alban kilsəsinin ətrafında salındığına görə Kilsə adlandırılmışdır.[4] Məzahir Təhməzovun əsərində qeyd olunur ki, bu adın səbəbi kəndin ərazisində qədim alban kilsələrinin olduğuna görə idi. Həmçinin Məzahir Təhməzovun əsərində qeyd olunur ki, kəndin adı 1992-ci ildə dəyişdirilmiş və kəndin əsasını qoyan Qasım üşağı tayfasının şərəfinə Qasımlar adlandırılmışdı.[1]
Bu kənd 1993-cü ildə Ermənistan Respublikası Silahlı Qüvvələri tərəfindən işğal edilmişdi. İkinci Qarabağ müharibəsində Azərbaycan Silahlı Qüvvələrinin Qələbəsindən sonra imzalanmış üçtərəfli Bəyanata əsasən, 25 noyabr 2020-ci il tarixində Azərbaycana qaytarılmışdı.[5]
Qasımlar kəndinə məxsus yaylaqlar bunlardır: Behbud bəyin Ağqayası yurd, Sudəyənqaya yurdu, Şahnəzər yurdu, Qonur yurd, Baxacaq yurd[1].
Qasımlar kəndinə məxsus bulaqlar bunlardır: Pir bulaq, Cahanın bulağı, Qoluqırıq bulaq, Qaçaqların dərəsində Şırran bulaq, Fürüsün bulağı, Yarpızlı bulaq[1].
Qasımlar kəndinə məxsus məşhur yerlər bunlardır: Əkinlər, Dikinyer, Kalafalı tala, Armudluq, Biçənəklər, Nəcəfölən, Gərdən, Motalyolu, Məşədi Şamil taxta qıran çüxur, Uzuntala, Cahanlıq, Bənövşəli güney, Qozludərə, Dəlikdaş, Ağqayanın üstü, Kilsənin dərəsi, Kilsə çayı, Qaraqaya, Gicitkənli çüxur, Köhnə kənd yeri, Əkinlər tayı, Yaxşıyazılan daş, Çüxurlar, Pöhrəlik, Avdının dam yeri, Kərimin dəyirman yeri, Palçıqlı yurd, Başıəvəlikli, Göy qumluq[1].
Qasımlar kəndində yerləşən binənin adı: Sədrin binəsi.[1]
- ↑ 1 2 3 4 5 6 TƏHMƏZOV, MƏZAHİR. KƏLBƏCƏR. Ensiklopedik məlumatlar. Elmi puplisist kitab (az.) (Əlavə və dəyişikliklərlə kitabın üçüncü buraxılışı). Bakı: Elm. 2013. Səhifələr: 152, 115, 167. ISBN 978-9952-453-11-9. (#invalid_param_val)
- ↑ Azərbaycan SSR İnzibati-ərazi bölgüsü (DÖRDÜNCÜ NƏŞRİ). Bakı: Azərnəşr. Tərtib edənlər: Ç. H. İbrahimov və S. A. Melnikov. Redaksiya heyəti: A. M. İsayev, B. Ə. Budaqov, Q. Ə. Qeybullayev. 1979. 57–58.
- ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində arxivləşdirilib (PDF). İstifadə tarixi: 2024-04-05.
- ↑ 1 2 Kilsə // AZƏRBAYCAN TOPONİMLƏRİNİN ENSİKLOPEDİK LÜĞƏTİ. BİRİNCİ CİLD. BAKI: ŞƏRQ-QƏRB. Redaktor: Rübabə Əliyeva. Tərtibçilər: Rübabə Əliyeva, Qara Məşədiyev, Etibar İnanc, Tünzalə Baxşıyeva, Şəms Qocayeva. Rəyçilər: İsmayıl Məmmədov, Fikrət Xalıqov. 2007. 281. ISBN 978-9952-34-155-3.
- ↑ "Kəlbəcər rayonunun Qasımlar kəndi FOTO". AZƏRTAC (az.). 20.04.2023. İstifadə tarixi: 2025-03-17.