Qaramanoğlu Günəri bəy

Qaramanoğlu Günəri bəy (ö. 17 aprel 1300) — Qaramanoğulları bəyliyinin bəyi.

Günəri bəy
türk. Guneri Bey
Qaramanlı bəyi
Əvvəlki	Qaramanoğlu Mehmed bəy
Sonrakı	Qaramanoğlu Mahmud bəy
Şəxsi məlumatlar
Vəfat tarixi	17 aprel 1300
Vəfat yeri	Konya, Rum Səlcuqlu dövləti
Atası	Kəriməddin Qaraman bəy

Atası bəyliyin banisi Kəriməddin Qaraman bəydir. Qardaşı Mehmed bəyin 1277-ci ildə monqollar tərəfindən edamından sonra bəyliyi ələ aldı. Ancaq 1383-cü ildə bəyliyi monqol və Səlcuqluların tabeliyində çıxara bildi. Belə ki, Abaqa xanın ölümüylə Anadoluda siyasi boşluq yaranmış, Günəri bəy bir neçə dəfə Konyaya hücum edərək şəhəri darmadağın etmişdir. Ancaq 1287-ci ildə Erməni-Kilikiya çarlığına aid Tarsus şəhərinə hücum etməsiylə, Səlcuqlu və monqolların dəstəyini alan ermənilər bəyliyin mərkəzi Qaramanı işğal etdi. Şəhər yandırıldı və ardından Günəri bəy yenidən Səlcuqlu tabeliyini qəbul etdi. 1294-cü ildə Alaiyə liman şəhərini geri aldı.

17 aprel 1300-cü ildə vəfat etdi.