Qaralama:Vəliyev Vidadi Məhərrəm oğlu

Vidadi Bərdəli
Vidadi Bərdəli
	Vəliyev Vidadi Məhərrəm oğlu
	Vidadi Bərdəli
Ümumi məlumatlar
Ləqəbi	Bərdəli
Doğum tarixi	9 iyul 1959
Doğum yeri	Bərdə, Azərbaycan SSR
Vəfat tarixi	30 noyabr 2012 (53 yaşında)
Vəfat yeri	Bakı, Azərbaycan
Vəfat səbəbi	Ürək çatışmazlığı
Dəfn yeri	Bərdə
Vətəndaşlığı	Azərbaycan
Milliyyəti	Azərbaycanlı
Musiqiçi məlumatları
Fəaliyyəti	Xanəndə, Müğənni
Fəaliyyət illəri	1980–2012

Vidadi Bərdəli (əsl adı: Vidadi Məhərrəm oğlu Vəliyev; 9 iyul 1959, Bərdə – 30 noyabr 2012, Bakı) — Azərbaycan xanəndəsi. 1980–2012-ci illərdə peşəkar musiqi fəaliyyəti ilə məşğul olmuşdur.

Həyatı

Vidadi Bərdəli 9 iyul 1959-cu ildə Bərdə şəhərində anadan olmuşdur. Atası Məhərrəm Vəliyev və anası Gülnaz Vəliyeva xanəndə olmuşlar. O, el sənətkarı Aşıq Əhmədin nəvəsidir. Musiqi fəaliyyətinə erkən yaşlarından başlamış, 12 yaşından etibarən müxtəlif mədəni tədbirlərdə çıxış etmişdir.

Fəaliyyəti

Peşəkar musiqi fəaliyyətinə 1980-ci illərin əvvəllərində başlamışdır:

1982-ci ildə xanəndə İslam Rzayevin ansamblında fəaliyyət göstərmişdir.
1983–1984-cü illərdə Rəşid Behbudovun rəhbərlik etdiyi Mahnı Teatrında solist kimi çalışmışdır.
1985–1990-cı illərdə Fikrət Verdiyevin rəhbərliyi altında Göygöl Dövlət Ansamblında solist olmuşdur.

1990-cı ildən etibarən Azərbaycan Televiziyasının (AzTV) proqramlarında çıxış etmişdir. Onun ifaları AzTV-nin Qızıl Fondunda saxlanılır.

Albomları

1998-ci ildə "Ay qaşı gözü qara qız" adlı albomu işıq üzü görmüşdür. Alboma "Sənsiz yaşaya bilmirəm", "Yalqızam", "Nə zaman gəlirsən, gəl", "Ölüm sənin qucağında" kimi mahnılar daxildir.

Yaradıcılığı

Vidadi Bərdəli repertuarında klassik muğamlarla yanaşı, xalq mahnılarına da yer vermişdir. İfa etdiyi əsərlər arasında "Kor və Bülbül", "Sənsizəm", "Unut məni", "Bərdəm" və "Qəmərim" kimi mahnılar xüsusi yer tutur.^[1] Repertuarındakı bir sıra mahnıların söz və musiqi müəllifi bacısı Yeganə Vəliyevadır.

Vəfatı

Vidadi Bərdəli 30 noyabr 2012-ci ildə Bakı şəhərində qəfil ürək çatışmazlığı nəticəsində vəfat etmişdir.^[2] Doğma Bərdə şəhərində dəfn olunmuşdur.^[3]

İstinadlar

↑ "Vidadi Bərdəli: "Məni toylara çağıran yoxdur"" (az.). Axar.az.
↑ "Tanınmış müğənni Vidadi Bərdəli vəfat edib" (az.). APA.
↑ "Vidadi Bərdəli vəfat etdi" (az.). Qafqazinfo.

"Müğənni Vidadi Bərdəli vəfat edib" (az.). Yeni Müsavat.
"Müğənni Vidadi Bərdəli vəfat edib" (az.). Simsar.az.

[axar-1] "Vidadi Bərdəli: "Məni toylara çağıran yoxdur"" (az.). Axar.az.

[apa-2] "Tanınmış müğənni Vidadi Bərdəli vəfat edib" (az.). APA.

[qafqaz-3] "Vidadi Bərdəli vəfat etdi" (az.). Qafqazinfo.

[1]

[2]

[3]