Qaralama:Vəfa Xanoğlan

[[Kateqoriya: Lehinə

Vəfa Xanoğlan - filologiya üzrə fəlsəfə doktoru, sənətşünaslıq elmləri doktoru

Vəfa Xanoğlan oğlu Əliyev (14 sentyabr 1953, Kürdmahmudlu, Füzuli rayonu) — Azərbaycanlı ədəbiyyatşünas, tənqidçi, sənətşünaslıq üzrə elmlər doktoru, professor, Azərbaycan Respublikasının "Əməkdar müəllimi" (2013).

Həyatı: Vəfa Əliyev 14 sentyabr 1953-cü ildə Füzuli rayonunun Kürdmahmudlu kəndində ziyalı ailəsində anadan olmuşdur. 1969-cu ildə Kürdmahmudlu kənd orta məktəbini bitirdikdən sonra Azərbaycan Dövlət Pedaqoji İnstitutuna (hazırda ADPU) daxil olmuşdur. 1974-cü ildə həmin institutun Azərbaycan dili və ədəbiyyatı ixtisası üzrə təhsilini başa vurmuşdur. Ailəlidir, iki övladı var.

Əmək fəaliyyəti: 1974–1982: Füzuli rayonunun Kürdmahmudlu kəndində müəllim və direktor müavini. 1982–1985: "Bilik" Cəmiyyəti Füzuli rayon təşkilatının məsul katibi və rayon partiya komitəsində təlimatçı. 1986–1987: Beyləqan şəhər orta məktəbində direktor müavini. 1987–2014: Azərbaycan Dövlət Mədəniyyət və İncəsənət Universitetində (ADMİU) müxtəlif vəzifələrdə çalışmışdır. 1990-cı ildə baş müəllim, 1991–1994-cü illərdə dosent, 1994–1997-ci illərdə elmi katib, 1997-ci ilin sentyabrından 2014-cü ilə qədər isə Sənətşünaslıq fakültəsinin dekanı olmuşdur. 2014–2015: Akademik Milli Dram Teatrında truppa müdiri və ədəbi dram hissəsinin rəhbəri. 2015–2017: Bakı Xoreoqrafiya Akademiyasında (BXA) elmi katib, mətbuat katibi və kafedra müdiri. 2017-ci ildə professor vəzifəsinə seçilmişdir. 2021–2022: Lənkəran Dövlət Universitetində pedaqoji fəaliyyət. Hazırda: Azərbaycan Universitetinin "İctimai elmlər" kafedrasında pedaqoji fəaliyyətini davam etdirir.

Elmi və ədəbi fəaliyyəti: Vəfa Əliyev 1985-ci ildə namizədlik, 2016-cı ildə isə doktorluq dissertasiyası müdafiə edərək sənətşünaslıq üzrə elmlər doktoru dərəcəsini almışdır. O, tənqidçi və ədəbiyyatşünas kimi dövri mətbuatda 100-dən çox məqalənin, dörd monoqrafiyanın və iki dərsliyin müəllifidir. 2002-ci ildən Azərbaycan Yazıçılar Birliyinin, 2009-cu ildən isə Azərbaycan Teatr Xadimləri İttifaqının üzvüdür.

Kitabları "Hürriyyət fədaisi" (2000), "Sənətkar və ədəbi proses" (2004), "Ədəbi proses və ədəbi nəsil" (2008),"Kino və televiziya ssenariləri" (2011), "İlyas Əfəndiyev və Azərbaycan mədəniyyəti" (2013), "Balet tarixi" (2017)

Təltif və mükafatları 2005: A. A. Bakıxanov adına mükafat. 2013: Azərbaycan Respublikasının "Əməkdar müəllimi".

İstinadlar: Azərbaycan Respublikasının təhsil işçilərinə fəxri adların verilməsi haqqında Azərbaycan Respublikası Prezidentinin Sərəncamı (10 dekabr 2013).

https://president.az/az/articles/view/10454