Seyid Əsgər Müzəffəroğlu (Əsayev Əsgər Müzəffər oğlu) 1953-cü ilin avqust ayının 10-da Laçın rayonunun Alxaslı kəndində anadan olmuşdur.
1971-ci ildə Ağcabədi şəhər 2 saylı orta məktəbini, 1977-ci ildə isə Səmədağa Ağamalıoğlu adına Azərbaycan Kənd Təsərrüfatı Akademiyasının İqtisadiyyat fakültəsini mühasibat uçotu üzrə iqtisadçı ixtisasını fərqlənmə diplomu ilə bitirmişdir. Bundan əlavə Akademiyanın nəzdində fəaliyyət göstərən ictimai peşə fakultəsini jurnalistika ixtisası üzrə də bitirib diplom almışdır.
Ali məktəbi bitirdikdən sonra Laçın rayonu “Qızıl Ordu” kolxozunda baş iqtisadçı (1977-ci il), Bərdə rayonu “Bakı” kolxozunda baş iqtisadçı (1978-1980-cı illər), Şuşa şəhərində fəaliyyət göstərən Kənd Təsərrüfatı texnikumunda müəllim (1981-1982-ci illər), Bərdə rayonu Əyricə kənd XDS İcraiyyə Komitəsinin sədri (1983-1985, 1988-1991-ci illər), “Bakı” kolxozu partiya komitəsinin katibi (1986-1987-ci illər), Bərdə rayonu Auditor Mərkəzində iqtisadçı-ekspert, baş müfəttiş ekspert (1992-1996-cı illər), Bərdə rayon İcra Hakimiyyəti başçısının Yeni Əyricə kənd inzibati ərazi dairəsi üzrə nümayəndəsi (1996-2002-ci illər) vəzifələrində işləmişdir. Bərdə rayon İcra Hakimiyyəti aparatinda sektor mudiri-baş mühasib (2002-2022-ci illər) vəzifəsində işləmişdir. 2023-cü ilin əvəlində 1-ci dərəcəli dövlət quluqcusu kimi fərdi təqaüdə çıxmışdır. 2016-cı ildə dövlət qulluğunda qüsursuz və səmərəli xidmətinə görə Prezidentin sərəncamı ilə “Tərəqqi” medali ilə təltif olunmuşdur. 2006-ci ildən Azərbaycan Yazıçılar birliyinin üzvüdür. 2019-cu ildə Prezident mükafatına layiq görülmüşdür. Beş övlad atası,on iki nəvə babasıdır. 2024-cü ilin oktyabrın 3 dünyaya əbədi gözlərini yumuşdur[1]
Təqdim Edən; Mircavid Əsgərzadə (Nəvəsi)
- ↑ Əsayev, Seyid Əsgər. Qayıdırıq bu yerlərə. "MM-S". 11.08.2023.