Qaralama:Rəhilə Səfərəliyeva

Rəhilə Səfərəliyeva 1961-ci ildə Zəngilan rayonunun Qaraimanlı kəndində anadan olub. 1979-cu ildə Sumqayıt şəhərindəki № 23 orta məktəbi bitirib. 1980-ci ildə Bakı Dövlət Universitetinin Jurnalistika fakültəsinə daxil olub, 1986-cı ildə ali təhsilini başa vurub.

1980–2001-ci illərdə Azərbaycan Dövlət Televiziya və Radio Verilişləri Şirkətində jurnalist və ssenarist kimi çalışıb. Bu illər ərzində 100-dən çox televiziya və radio proqramının müəllifi olub. "Sənət adamları ilə görüş", "Vacib məsələ", "Eşitdiklərimiz, gördüklərimiz və bildiklərimiz" kimi verilişlərin ssenari müəllifidir.

Onun təşəbbüsü ilə Novruz bayramına həsr olunmuş film-tamaşa, Nargin adasında yeni il proqramları, Sankt-Peterburqda soydaşlarımız haqqında filmlər və məcburi köçkünlər haqqında silsilə verilişlər hazırlanıb. Bədurə Əfqanlı və Hamlet Qurbanov haqqında sənədli filmləri "Qızıl fond"da saxlanılır.

2001-ci ildən "Çaşıoğlu" Elm və İstehsalat Nəşriyyat Poliqrafiya Şirkətində layihə rəhbəri və redaktor kimi çalışır. 2025-ci il aprelin 29-da Təhsil Nazirliyində "Şahmat dünyası" multimedia sisteminin təqdimatında "Çaşıoğlu-Multimedia" Şirkətinin direktoru kimi çıxış edib.

O, həmçinin 2010-cu ildə "Azərbaycan muğamı" interaktiv multimedia layihəsinin müəlliflərindən biri kimi Azərbaycan Respublikasının Dövlət Mükafatına namizəd göstərilmişdir.

"Bir ömürlük xatirə" – Ətayə Əliyeva haqqında (2025); Azərbaycan Dövlət Film Fondunda təqdim olunub

"Zəfər dastanı" – 44 günlük Vətən müharibəsindən bəhs edir (2022)

"Rəngli dərdlər" – şeir toplusu

"Ömərin nağıl kitabı"

"Balaca ürəklər üçün hekayə və nağıl"

"Kim? Nə? Harada?" – ensiklopedik nəşr

2017-ci il dekabrında Azərbaycan Milli Elmlər Akademiyasının Folklor İnstitutunda "Azərbaycan xalq dastanlarında qəhrəman tipləri" mövzusunda dissertasiya müdafiə edib. Nəticədə filologiya üzrə fəlsəfə doktoru elmi dərəcəsini alıb.

2022-ci il dekabrda DSX Akademiyasında "Zəfər dastanı" kitabının təqdimatında çıxış edib

2025-ci il yanvarında "Bir ömürlük xatirə" kitabının təqdimatı Filmlər Fondunun arxiv sərgisi ilə birlikdə keçirilib

Ailəlidir, iki övladı var.

[1] Təhsil Nazirliyi: "Şahmat dünyası" təqdimatı – https://edu.gov.az/az/news-and-updates/3899

[2] AZƏRTAC: "Şahmat dünyası" – https://azertag.az/xeber/tehsil_nazirliyinde_sahmat_dunyasi_multimedia_sisteminin_teqdimati_olmusdur-520865

[3] Azadlıq Radiosu: Muğam multimedia layihəsi – https://www.azadliq.org/a/2025897.html

[4] 1000Kitap: "Bir ömürlük xatirə" – https://1000kitap.com/kitap/tay-liyeva-bir-omurluk-xatir--476336

[5] Mədəniyyət.info.az: Kitab təqdimatı – https://www.medeniyyet.info.az/page/news/77595/Bir-omurluk-xatire--Etaye-Eliyeva-haqqinda-kitabin-teqdimati.html

[6] YouTube: Azərbaycan Dövlət Film Fondu 0:46 – https://www.youtube.com/watch?v=GgZv27qxTjY

[7] CLB.AZ – https://www.clb.az/kitablar/boyukl-r-ucun/z-f-r-dastani-44-gunluk-v-t-n-muharib-si-haqqinda

[8] Prezident Kitabxanası – https://www.preslib.az/az/book/UMjT6DvsoYtQ7Pd

[9] AMEA avtoreferat – https://aak.gov.az/upload/dissertasion/filol/filol_n_srs_28_12_17.pdf

[10] DSX: Təqdimat – https://dsx.gov.az/news/1372

[11] Mədəniyyət Jurnalı (sentyabr–oktyabr 2022, s. 51) – https://www.medeniyyetculture.com/download/162

[12] AZƏRTAC – https://azertag.az/xeber/zefer_dastani_kitabinin_teqdimat_merasimi_kechirilib-2409545

[13] Azərbaycan dili dərsliyi (Azərbaycan Respublikası Təhsil Nazirliyi, 21.07.2008, № 937 əmri) – https://www.achiq.info/anadil/Ana%20Dili%20Derslikler%20L/(1)Ana%20Dili%201%20Derslik.pdf