Qaralama:Qasımov Mehrəli Süleyman oğlu

Qasımov Mehrəli Süleyman oğlu (30 oktyabr 1993, Bakı, Azərbaycan) — azərbaycanlı iş adamı, ictimai xadim, Baku Business Group MMC-nin təsisçisi və Direktorlar Şurasının sədri. 2022–2023-cü illərdə Ukraynanın Azərbaycandakı ilk fəxri konsulu olmuşdur.^[1]

Mehrəli Qasımov 30 oktyabr 1993-cü ildə Bakı şəhərində anadan olmuşdur. Orta təhsilini Bakı şəhərində yerləşən “21-ci Əsr Beynəlxalq Təhsil Kompleksi”ndə almışdır. 2009–2013-cü illərdə Ukraynanın Taras Şevçenko adına Kiyev Milli Universitetində bakalavr, 2013–2015-ci illərdə isə magistr təhsili almışdır. 2023-cü ildən Azərbaycan Respublikası Prezidenti yanında Dövlət İdarəçilik Akademiyasında təhsilini davam etdirir.

Mehrəli Qasımov 2015-ci ildən etibarən müxtəlif sahələrdə sahibkarlıq fəaliyyəti ilə məşğuldur. O, Baku Business Group adı altında beynəlxalq fəaliyyət göstərən şirkətin təsisçisi və rəhbəridir. Əsas biznes sahələrinə sənaye avadanlıqları və tikinti materiallarının təchizatı, enerji və generasiya sistemləri, ağır texnikanın icarəsi, beynəlxalq logistika və daşımalar daxildir.

O, eyni zamanda beynəlxalq konsaltinq və infrastruktur layihələrinin əlaqələndirilməsi sahəsində də fəaliyyət göstərir. 2024-cü ildən etibarən Türkiyədə fəaliyyət göstərən və “URTİM İskele Kalıp Sistemleri A.Ş.” şirkətinin 51%-lik iştirakı ilə təsis olunan “URTAŞ Endüstri A.Ş.” şirkətinin 49%-lik təsisçisidir. Şirkət əsasən sənaye obyektlərində iskele sistemlərinin qurulması və sökülməsi, eləcə də texniki və mexaniki servis işlərinin həyata keçirilməsi sahəsində ixtisaslaşmışdır. Mehrəli Qasımov bu əməkdaşlıq çərçivəsində Orta Asiya və Yaxın Şərq regionunda sənaye xidmətlərinin təşkili və tətbiqi ilə məşğuldur.

2022–2023-cü illərdə Ukraynanın Azərbaycandakı ilk fəxri konsulu olmuşdur. Müharibənin ilk günlərində Kiyev və Xarkov şəhərlərindən ümumilikdə 14,500-dən çox insanın (Azərbaycan, Türkiyə və Ukrayna vətəndaşları) təxliyəsinin təşkili və koordinasiyasında fəal iştirak etmişdir.^[2]

Həmçinin, 2022-ci ildə Əfqanıstandan 360 nəfərin, 2023-cü ildə isə İran-İsrail qarşıdurması zamanı 36 nəfər Ukrayna vətəndaşının təxliyəsinin təşkilində iştirak etmişdir.

Bu fəaliyyətlərinə görə Ukrayna Prezidenti Volodimir Zelenski tərəfindən III dərəcəli “Xidmətə Görə” ordeni ilə təltif edilmişdir.^[3] Həmçinin, Ukrayna Ali Radasının sədri Ruslan Stefançuk tərəfindən Ukrayna Ali Radasının təşəkkürnaməsi ilə təltif edilmişdir.

Ukrayna Müdafiə Nazirliyi tərəfindən “Müharibə şəraitində Ukrayna xalqına göstərdiyi insani həmrəyliyə, yüksək mənəvi mövqeyinə və əhəmiyyətli dəstəyə görə“ ilə təşəkkürnamə ilə təltif edilmişdir.^[4]

Ukrayna Hərbi Dəniz Qüvvələrinin Admiralı tərəfindən “Ukraynanın Patriotu” ordeni ilə təltif edilmişdir.

Ukrayna Mədəniyyət Mərkəzi — Ukrayna–Rusiya müharibəsi zamanı humanitar dəstəyin koordinasiyası məqsədilə yaradılmış, Kiyev və Xarkov şəhərlərindəki təxliyə əməliyyatlarının idarə edilməsində əsas rol oynamışdır.^[5] Mərkəz, eyni zamanda Azərbaycan ictimaiyyətində Ukrayna mədəniyyətinin tanıdılması üçün sərgilər, konfranslar və maarifləndirici tədbirlər təşkil etmişdir. Diplomatik səviyyədə Ukrayna-Azərbaycan münasibətlərinin gücləndirilməsinə töhfə vermişdir.[5]

Azərbaycan–Ukrayna Biznes Forumu — 2023-cü ildə təşkil edilmiş forum vasitəsilə Azərbaycan və Ukrayna iş adamları arasında ticari əlaqələr genişləndirilmiş, birgə investisiya layihələrinin əsasları qoyulmuşdur. Forumda enerji, logistika, kənd təsərrüfatı və sənaye sahələrində əməkdaşlıq imkanları müzakirə olunmuşdur.

Ukrayna-Türkiyə Sənaye Platforması — Türkiyədə fəaliyyət göstərən “URTAŞ Endüstri A.Ş.” ilə birgə yaradılmış bu platforma vasitəsilə Orta Asiya və Yaxın Şərq regionunda sənaye obyektlərində tikinti, təmir və texniki xidmətlərin göstərilməsi üzrə beynəlxalq layihələr həyata keçirilir. Layihə çərçivəsində İraq, Qazaxıstan və Oman kimi ölkələrdə tender əsaslı fəaliyyətlər reallaşdırılır.

BBG Global Logistics — Baku Business Group-un beynəlxalq logistik layihəsi olub, Avropa və Asiya bazarlarını birləşdirən tədarük zəncirinin qurulmasına xidmət edir. Bu təşəbbüs çərçivəsində Birləşmiş Ərəb Əmirlikləri, Türkiyə və Gürcüstanda logistik tərəfdaşlıqlar qurulmuşdur.

Qlobal Humanitar Koordinasiya Platforması — Müharibə və böhran bölgələrində yardım əməliyyatlarının təşkili üçün beynəlxalq qeyri-hökumət təşkilatları ilə birgə fəaliyyət göstərmişdir. 2022–2023-cü illərdə Əfqanıstan, İran və Ukraynada 15.000-dən çox insanın təxliyəsi və müvəqqəti yerləşdirilməsi bu platforma vasitəsilə əlaqələndirilmişdir.

Ukrayna–Azərbaycan Diplomatik Tərəfdaşlıq Günü — 2023-cü ildə Bakıda təşkil olunmuş diplomatik tədbir çərçivəsində hər iki ölkənin parlament və diplomatik nümayəndələrinin iştirakı ilə keçirilmişdir. Tədbir Ukrayna səfirliyi ilə əməkdaşlıq çərçivəsində Mehrəli Qasımovun təşəbbüsü ilə baş tutmuşdur.

Mehrəli Qasımov humanitar dəyərlərin, regional sabitliyin və xalqlar arasında dialoqun təşviqində fəal ictimai mövqe nümayiş etdirir. 2020–2024-cü illərdə Azərbaycan və Ukrayna arasında ticari-iqtisadi, sosial və humanitar əlaqələrin möhkəmləndirilməsinə verdiyi töhfələr, xüsusilə müharibə dövründə həyata keçirdiyi təxliyə və yardım missiyaları ilə yadda qalmışdır. Onun fəaliyyəti, yalnız azərbaycanlılara deyil, eyni zamanda ukraynalı və türkiyəli vətəndaşlara da yönəlmiş universal dəyərlərə əsaslanan təşəbbüslərlə səciyyələnir.

Mehrəli Qasımovun yanaşmasında humanitar məsuliyyət və geosiyasi düşüncə vəhdət təşkil edir. O, regional böhranlar zamanı səmərəli koordinasiya, diplomatik əlaqələrin qurulması, resursların səfərbərliyi və beynəlxalq tərəfdaşlıqların inkişafı istiqamətində təşəbbüskar mövqe tutur. Ukrayna, Türkiyə, Yaxın Şərq və Avropa ölkələri ilə ictimai və iqtisadi əlaqələrin genişlənməsi istiqamətində çıxış edərək, regional sabitlik və qarşılıqlı faydalı əməkdaşlıq modelini müdafiə edir.

Eyni zamanda, Mehrəli Qasımov gənc nəslin və vətəndaş cəmiyyətinin beynəlxalq proseslərə daha fəal inteqrasiyası ideyasını dəstəkləyir. O, böhran dövrlərində nümayiş etdirdiyi liderlik və təşkilati bacarıqları ilə milli və beynəlxalq platformalarda humanitar diplomatiyanın nümunəsi kimi çıxış etmişdir.

ehrəli Qasımov ailəlidir, üç övladı var. O, tarix, beynəlxalq münasibətlər, dövlət idarəçiliyi, geosiyasi proseslər və iqtisadi inkişaf sahələrinə xüsusi maraq göstərir. Eyni zamanda regional əməkdaşlıq və diaspor fəaliyyəti ilə bağlı təşəbbüslərdə iştirak edir, strateji düşüncə və idarəetmə sahəsində özünü davamlı inkişaf etdirir.

1. ↑ https://uk.m.wikipedia.org/wiki/Мехралі_Гасимов
2. ↑ https://forbes.ua/ru/news/konsul-ukraini-v-azerbaydzhani-my-evakuyuvali-14000-gromadyan-ukraini-turechchini-i-azerbaydzhanu-040322-4060
3. ↑ https://report.az/az/region/ukrayna-orden-patriot-verdi/
4. ↑ https://qafqazinfo.az/news/detail/ukrayna-mudafie-nazirliyinden-mehreli-qasimova-tesekkur-fotolar-475181
5. ↑ https://mfa.gov.az/az/news/no388-ukrayna-medeniyyet-merkezi-shemaxida

[[Kateqoriya:Azərbaycanlı ictimai xadimlər]]

[[Kateqoriya:Azərbaycanlı iş adamları]]

[[Kateqoriya:Bakı doğumlular]]