Qənbər Ağayev Müseyib oğlu (təxəllüsü: Hacı; 6 yanvar 1940, İmişli rayonu, Məzrəli kəndi) – Azərbaycan Respublikasının Əməkdar jurnalisti, publisist, şair, SSRİ Teleradio əlaçısı, "Qızıl qələm" və "Bir millət, iki dövlət" media mükafatı laureatı.
| Qənbər Ağayev | |
|---|---|
| Doğum tarixi | |
| Doğum yeri |
İmişli rayonu, Məzrəli kəndi, .svg){kind=small} Azərbaycan SSR |
| Həyat yoldaşı | Kübra Ağayeva |
| Təhsili | Bakı Dövlət Universiteti, Jurnalistika fakültəsi |
| Fəaliyyəti | Jurnalist, publisist, şair |
Qənbər Ağayev ADU-nun (indiki BDU) jurnalistika fakültəsini bitirib. 1968-1970-ci illərdə “Bakı” axşam qəzetində müxbir, 1970-2009-cu illərdə Azərbaycan radiosunda redaktor, “Təbliğat”, “İctimai-siyasi proqramlar” redaksiyalarının baş redaktoru, “İctimai-siyasi-sosial proqramlar yaradıcılıq birliyinin rəhbəri, studiya direktorunun müavini, şərhçi, “Təhsil və elmi-kütləvi proqramlar” redaksiyasının baş redaktoru vəzifələrində çalışıb.
Azərbaycan radiosunda işlədiyi və müxtəlif redaksiyalara rəhbərlik etdiyi müddətdə layihə müəllifi olduğu 100-dən çox adda veriliş uzun illər efirdə yayımlanıb.
Q.Ağayevin müəllifi olduğu "Tariximiz, torpağımız, taleyimiz" verilişi əsasında Azərbaycan televiziyası tarixində ilk dəfə (müəllif İsrafil Məmmədov, aparıcı Qənbər Ağayev) 700 səhifəlik eyni adlı kitab 1000 nüsxə çap edilib və xeyriyyə məqsədilə oxuculara paylanıb. Kitab erməni təcavüzünün 100 illik qanlı tarixindən bəhs edir.
Q.Ağayevin siyasi və bədii-publisistik mövzuda yazdığı yüzdən artıq oçerk Azərbaycan radiosunun qızıl fonduna daxil edilib. Uğurlu dövlət və ictimai-siyasi-sosial quruculuğumuza böhtan yazdıran və düşmən təbliğatı yayan informasiya vasitələrinin yalanını ifşa etmək məqsədilə, ümummilli lider Heydər Əliyevin tapşırığı ilə, 1998-ci il may ayının 28-də efirə çıxan və 6 ildən çox xaricə yayımlanan "Azad Azərbaycan" ictimai-siyasi radiosunun əsas yaradıcısı və birinci aparıcısı olub.
Azərbaycan Teleradiosunun ədəbi-bədii və ictimai-siyasi-sosial sahələrdəki fəaliyyətinə töhfələr verib. O, həmçinin Azərbaycan Beynəlxalq və Bakı Qızlar Universitetlərində "Jurnalist sənətkarlığı", "Radio və Televiziya jurnalistikasının xüsusiyyətləri", "Jurnalist etikası" fənlərini tədris edib.
Çalışdığı 37 il ərzində fasiləsiz olaraq AzTeleradionun ictimai-siyasi-sosial-mədəni həyatında fəal iştirak edib. Müxtəlif illərdə partiya təşkilat katibi, həmkarlar komitəsi sədrinin müavini, "Əmək intizamı və əmlakın mühafizəsi" daimi komissiyasının sədri olub və 30 il müddətində şirkətdə yaradılan bütün komissiyalara rəhbərlik edib.
3 il davam edən fond fonotekasının fəaliyyətini və qızıl fondun vəziyyətini yoxlayan komissiyanın rəhbəri kimi xüsusi fəaliyyət göstərib. Onun təşəbbüsü ilə real vəziyyətini itirməkdə olan qiymətli səs və musiqi yazıları bərpa edilmiş, adı fonotekanın siyahısında olub, özü "yoxa çıxan" 2 minə yaxın əsər dövlət arxivindən əldə edilərək fonda qaytarılmışdır. Ümumilikdə fondun bütün əsərləri yeni, uzun ömürlü lentə köçürülüb və bərpa edilib.
Tanınmış şair-jurnalist Hacı Qənbərin müəllifi olduğu:
- Ədəbiyyat karvanı
- Yaradanın hikməti, bəşərin fəlsəfəsi (mərhum Nazilə İsmayılova ilə həmmüəllif)
- Yazıçının hikmət dünyası (görkəmli nasir, publisist, dramaturq Ağarəhimin əsərlərində fəlsəfə)
- Azərbaycan ədəbiyyatında Giya Paçxataşvilinin yeri (professor Nizami Tağısoyla həmmüəllif)
Oxucular tərəfindən rəğbətlə qarşılanıb. Müəllifin "De görüm, hardasan!" şeirlər, hekayələr və publisistik məqalələr toplusu, həmçinin "Elm korifeylərimiz" kitabları çapa hazırdır. O, həmçinin "Ömrüm necə gəldi, necə getdi" sənədli avtobiografik əsəri üzərində işləyir.
Bundan əlavə, Ələmdar Məmmədovun Prokuror: xatirələr və düşüncələr və Səfurə Bayramqızının Yaşamaq istəyirəm kitablarına dəyərli ön söz yazıb.
- Azərbaycan SSR Nazirlər Soveti yanında Dövlət Televiziya və Radio verilişləri Komitəsinin fəxri fərmanı (1970)
- SSRİ Nazirlər Soveti Televiziya və Radio verilişləri Komitəsinin fəxri fərmanı (1980)
- "SSRİ Teleradio əlaçısı" döş nişanı (1989)
- "Qızıl qələm" media mükafatı (2013)
- "Bir millət, iki dövlət" media mükafatı (2024)
- Azərbaycan Prezidenti İlham Əliyevin sərəncamı ilə "Respublikanın əməkdar jurnalisti" fəxri adı (2006)
Q.Ağayev, ümummilli lider Heydər Əliyevin göndərişi ilə 1988-ci ildə bir qrup ziyalı ilə həcc ziyarətində olub.
- Yaradan hikməti, bəşərin fəlsəfəsi – Hacı Qənbər Ağayev, Nazilə İsmayılova. Sumqayıt, 2017.
- Ədəbiyyat karavanı – Hacı Qənbər Ağayev. Bakı, 2006.
İmişli - 80. Tarix olduğu kimi. Bakı, 2010
Fütuhat: Sələfin dahi Xələfi // İctimai Fikir. – 21 dekabr 2024