| Qədirov Məhəmməd İlham oğlu |
|---|
Qədirov Məhəmməd İlham oğlu (7 sentyabr 1997, Sığdaş, Masallı rayonu, Azərbaycan) — Azərbaycan Respublikasının rəsmi din xadimi, Masallı rayonunun Bədəlan kəndində yerləşən Balaca Məhəllə Məscidinin axundudur.
Qədirov Məhəmməd İlham oğlu 7 sentyabr 1997-ci ildə Masallı rayonunun Sığdaş kəndində anadan olmuşdur. Əslən Masallı rayonunun Xanalıyan kəndindəndir. O, ibtidai təhsilini Nizami Bağışov adına Xanalıyan kənd ümumi orta məktəbində almış, 2012-ci ildə həmin məktəbin 9-cu sinfini bitirmişdir. Daha sonra təhsilini Bəxtiyar Şiriyev adına Mollaoba kənd tam orta məktəbində davam etdirmiş və 2014-cü ildə həmin məktəbi bitirmişdir.
Qədirov Məhəmməd İlham oğlu ilk dini biliklərini atasından və yerli din xadimlərindən almış, müqəddəs Qurani-Kərimi oxumağı öyrənmiş və dini elmlərə yönəlmişdir.
2020-ci ildə Qafqaz Müsəlmanları İdarəsinin Lənkəran İslam Kollecinə İslamşünaslıq ixtisası üzrə daxil olmuş və 2024-cü ildə həmin kolleci müvəffəqiyyətlə bitirmişdir.
Təhsilini başa vurduqdan sonra Azərbaycan Respublikasının Dini Qurumlarla İş üzrə Dövlət Komitəsi tərəfindən keçirilən müsahibədən uğurla keçərək rəsmi din xadimi adını almışdır.
Hazırda Masallı rayonunun Bədəlan kəndində yerləşən Balaca Məhəllə Məscidinin axundu olaraq fəaliyyət göstərir.
Məhəmməd Qədirov yüksək mənəvi və əxlaqi dəyərlərə malik din xadimi kimi tanınır. O, cəmiyyət arasında hörmət qazanmış, dövlətə və vətənə sədaqət hissi ilə gənclər arasında vətənpərvərlik ruhunu və milli-mənəvi dəyərlərin qorunması ideyasını təbliğ edir.
Şablon:Din xadimi Şablon:Masallı rayonu şəxsləri Şablon:Azərbaycan din xadimləri