Nərmin Əzizova — Azərbaycanlı həkim-neonatoloq (pediatr) və Pediatriya.az portalının təsisçisidir.
Nərmin Əzizova 1991-ci ildə Bakı şəhərində anadan olmuşdur. 2008-ci ildə Azərbaycan Tibb Universitetinin Pediatriya fakültəsinə qəbul olunmuş və 2014-cü ildə universiteti fərqlənmə diplomu ilə bitirmişdir. Tələbəlik dövründə Azərbaycan Tibb Universitetinin Tələbə Elmi Cəmiyyətində apardığı elmi tədqiqat işi “İlin elmi mövzusu” adına layiq görülmüşdür.
2014–2018-ci illərdə rezidentura təhsilini Ə. F. Qarayev adına 2 saylı Klinik Uşaq Xəstəxanasında keçmişdir. 2018-ci ildə Türkiyə Respublikasının Ankara şəhərində yerləşən Hacettepe Universitetində klinik rotasiya proqramında iştirak etmişdir.[1]
2018-ci ildə Azərbaycan Respublikası Səhiyyə Nazirliyinin göndərişi ilə K.Y. Fərəcova adına Elmi-Tədqiqat Pediatriya İnstitutunun Yenidoğulanların Reanimasiya və İntensiv Terapiya şöbəsində həkim-neonatoloq vəzifəsinə təyin olunmuşdur və hazırda həmin müəssisədə fəaliyyətini davam etdirir.[1]
2018–2022-ci illərdə 1 nömrəli Bakı Tibb Kollecində “Yoluxucu xəstəliklər” fənni üzrə müəllim kimi çalışmışdır. 2023-cü ildən Azərbaycan Tibb Universitetinin I Uşaq Xəstəlikləri kafedrasında, 2025-ci ildən isə özəl xəstəxanada pediatr kimi çalışır.[2]
Nərmin Əzizova "Kritik vəziyyətdə olan 1 yaşa qədər uşaqlarda anadangəlmə anomaliyaların diaqnostikası və proqnostik təhlili" mövzusunda dissertasiya işini tamamlamış və müdafiə mərhələsindədir. O, yerli və beynəlxalq elmi jurnallarda dərc olunmuş 15 elmi məqalənin, 6 tezisin və 4 beynəlxalq konfrans çıxışının müəllifidir.
2024-cü ildə o, TÜBİTAK ANA/ORTAK Proje Çağrısı çərçivəsində qrant layihəsini qazanmışdır.[3] Layihə Türkiyədən olan alimlərlə birgə həyata keçirilir və hazırda tədqiqat işi davam edir.[4]
Nərmin Əzizova pediatriya və neonatologiya sahəsində maarifləndirmə fəaliyyəti aparır. O, müxtəlif media orqanlarında mütəxəssis kimi çıxış edərək uşaqların sağlamlığı, peyvəndləmə, yoluxucu xəstəliklər və neonatoloji problemlərlə bağlı açıqlamalar vermişdir.[5][6][7]
Onun fikirləri müxtəlif media qurumları və müsahibələr vasitəsilə ictimaiyyətə çatdırılmışdır.[8][9]
2018-ci ildən o, Azərbaycanda pediatrik maarifləndirmə məqsədi daşıyan Pediatriya.az portalının təsisçisidir.[10]
Nərmin Əzizova ailəlidir və iki övladı vardır. Onun atası Akif Bağırov tibb elmləri doktoru, Azərbaycan Tibb Universitetinin Urologiya kafedrasının professorudur.
- 1 2 https://etpi.az/anesteziologiya-sob%c9%99si/
- ↑ https://new.amu.edu.az/teacher/422
- ↑ https://tubitak.gov.tr/tr/duyuru/2542-tubitak-anas-ortak-proje-cagrisi-sonuclari-aciklandi
- ↑ https://teleqraf.az/news/tibb/492198.html
- ↑ https://az.trend.az/azerbaijan/society/3936748.html
- ↑ https://az.trend.az/azerbaijan/society/3831780.html
- ↑ https://az.trend.az/azerbaijan/society/3780728.html
- ↑ https://azertag.az/xeber/mutexessis_goyoskurek_peyvendlenme_aparilmayan_usaqlar_arasinda_daha_genis_yayilib-3259396
- ↑ https://azertag.az/xeber/hekim_neonatoloq_dogru_tibbi_biliklerin_cemiyyete_chatdirilmasi_yalniz_pesekar_mesuliyyet_deyil_hem_de_sosial_ohdelikdir-3933311
- ↑ https://pediatriya.az/haqqimizda/