Nüyvər Nəsrullayev 1946-1956-cı illərdə Oxud kənd orta məktəbində təhsil almışdır. 1958 – 1962-ci illərdə Həsən bəy Zərdabi adına Kirovabad Dövlət Pedaqoji İnstitutunun fizika-riyaziyyat fakültəsini bitirib.

1969 – 1972-ci illərdə Bakı Dövlət Universitetinin Həndəsə kafedrasının aspirantı olmuşdur.

1974-cü ildə Kazan Dövlət Universitetində professor Şirokovun rəhbərli ilə “Üçölçülü psevdoevklid fəzasının diferensial həndəsəsi məsələsinə dair” adlı mövzuda namizədlik dissertasiyasını müdafiə edib.

“Həndəsənin əsasları”, “Qraflar”, “Həndəsə məsələləri”, “Qurmalar həndəsəsinin əsasları” adlı dərs vəsaitlərinin müəllifidir.

Nüyvər Nəsrullayev 1962-1964 cü illərdə hərbi xidmətdə qulluq edib. Hərbi xidmətdən qayıtdıqdan sonra, 1964 – 1966–cı illərdə Şəki şəhərinin 2 №-li orta məktəbində fizika və riyaziyyat müəllimi işləyib.

1973-1978 - ci illərdə H.Zərdabi adına Gəncə Dövlət Universitetində, "Həndəsə və elementar riyaziyyat" kafedrasında baş müəllim, kafedra müdiri vəzifəsində çalışmışdır.

2011-2017-ci ildən Həndəsə və Cəbr kafedrasının dosenti olub. Nüyvər müəllim 32 məqalənin, 2 dərslik və 5 dərs vəsaitinin, 1 elmi-kütləvi kitabın müəllifidir.

• 23 aprel 2009-cu ildə Azərbaycan Respublikasının Əməkdar müəllim fəxri adına layiq görülüb.