Qaralama:Mahmud Həmzəyev

Mahmud Həmid oğlu Həmzəyev 31 yanvar 1949-cu ildə Qazax şəhərində anadan olmuşdur. 1966–1971-ci illərdə Azərbaycan Neft-Kimya İnstitutunda ali təhsil almışdır.^[1]

Mahmud Həmid oğlu Həmzəyev Azərbaycan Silahlı Qüvvələridə və SSRİ ordusunda xidmət etmişdir.

• • Xidmət illəri:** 1971–1992 və 1993–2010.^[2]

1971–1973-cü illərdə SSRİ Silahlı Qüvvələrində, 1973–1975-ci illərdə Neft Daşlarında mühəndis vəzifəsində, 1975-ci ilin sonunda ikinci dəfə ordu sıralarına qayıdaraq 1976–1980-ci illərdə tağım komandiri, əlahiddə pulemyot-artilleriya bölməsi komandiri və hərbi hissə komandiri vəzifələrində xidmət etmişdir.

1984–1987-ci illərdə Moskva M. Frunze Hərbi Akademiyasında təhsil almış, 1986–1987-ci illərdə əlahiddə tank alayı komandirinin müavini olmuşdur.

1987–1992-ci illərdə Pribaltika Hərbi Dairəsində I dərəcəli təlim mərkəzinin rəisi, 1989-cu ildə SSRİ Müdafiə Nazirliyi tərəfindən polkovnik rütbəsi verilmişdir.

1992-ci ildə ehtiyata buraxılmış, 1993-cü ilin sonunda Azərbaycana qayıdaraq Azərbaycan Silahlı Qüvvələrində xidmətə başlamışdır.

2002-ci ildə Azərbaycan Respublikası Prezidentinin sərəncamı ilə general-mayor rütbəsinə layiq görülmüşdür.^[3]

• Azərbaycan Bayrağı ordeni — 24 iyun 2003-cü il^[4]
• Azərbaycan Silahlı Qüvvələri Veteranı medalı
• Qüsursuz xidmətə görə I, II və III dərəcəli medalları
• Azərbaycan Silahlı Qüvvələrinin yubiley medalları (10, 90, 95, 100 illik)

2024-cü ildə kinorejissor Ziya Şıxlinski tərəfindən Mahmud Həmzəyevin həyat və fəaliyyətinə həsr olunmuş sənədli film üzərində iş aparıldığı bildirilmişdir. Filmin təqdimatının 31 yanvar 2024-cü ildə — generalın anadan olmasının 75 illiyi günü keçirilməsi planlaşdırılmışdır.^[5]

Ailəlidir. Bir oğlu, bir qızı və dörd nəvəsi var. Oğlu Pərviz Həmzəyev polis polkovnikidir.^[6]