| Fikrət Hüseynov | |
|---|---|
 | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı | Azərbaycan |
| İş yeri | Heydər Aliyev Adında İmdan-Konsert Kompleksi |
| Təhsili | Azərbaycan Dövlət Bədən Tərbiyəsi və İdman Akademiyası |
Fikrət Akif oğlu Hüseynov (11 noyabr 1969, Bakı) — Azərbaycan idman təşkilatçısı, menecer, dövlət qulluğu işçisidir. Heydər Əliyev adına İdman-Konsert Kompleksinin direktoru həmçinin Azərbaycan Velosiped İdmanı Federasiyasının icraçı vitse-prezidentidir.
Fikrət Hüseynov 1969-cu il noyabrın 11-də Bakı şəhərində anadan olub. 1986–1991-ci illərdə Azərbaycan Dövlət Bədən Tərbiyəsi və İdman Akademiyasında “Bədən tərbiyəsi və idman” fakültəsinin “Futbol üzrə məşqçi-müəllim” ixtisası üzrə təhsil alıb.
- 1992–1996 – Bakı Metropolitenində İdman şöbəsinin rəhbəri
- 1996–2006 – “Neftçi veteranları” klubunda menecer
- 2006–2024 – Azərbaycan Respublikası Gənclər və İdman Nazirliyində Olimpiya və Paralimpiya idman növləri üzrə sektor müdiri
- 2006–2015 – “AZAL” Futbol Klubunda birinci vitse-prezident
- 2008–2015 – Avropa Klublar Assosiasiyasının üzvü kimi FİFA və UEFA-nın müxtəlif tədbirlərində iştirak
- 2015–2020 – “AZAL” Futbol Klubunda prezident
- 2015–2016 – AFFA Klublar Komitəsinin sədri
- 2021–indiyədək – “Silk Way Group” Müşahidə Şurası sədrinin idman məsələləri üzrə müşaviri
- 8 aprel 2024–indiyədək – Azərbaycan Respublikası Gənclər və İdman Nazirliyinin tabeliyində olan “Heydər Əliyev adına İdman-Konsert Kompleksi” MMC-nin direktoru
- 2 may 2025 – Azərbaycan Velosiped İdmanı Federasiyasının icraçı vitse-prezidenti seçilib
- Azərbaycan Respublikasının Prezidenti İlham Əliyevin 24 iyul 2019-cu il tarixli, 1344 nömrəli Sərəncamı ilə “Dövlət Qulluğunda fərqlənməyə görə” medalı ilə təltif edilib
- Azərbaycan Respublikasının Fəxri Bədən Tərbiyəsi və İdman İşçisi
- İdman Ustası
Ailəlidir, iki övladı var.
1969-cu ildə doğulanlar Azərbaycan idman təşkilatçıları Azərbaycan dövlət qulluqçuları Azərbaycan idman ustaları Yaşayan insanlar