Fərhad Qaraşov

Fərhad Qaraşov 1986-cı il dekabr ayının 12-sində Bakı şəhərində anadan olmuşdur. 1993–2003-cü illərdə Bakı şəhərindəki 248 nömrəli məktəbdə təhsil almışdır. 2003-cü ildə Azərbaycan Dövlət İqtisad Universitetinə daxil olmuşdur. 2003–2007-ci illərdə UNEC-də "Beynəlxalq İqtisadi Münasibətlər" fakültəsinin bakalavr dərəcəsini bitirmişdir. 2007–2010-cu illərdə isə UNEC-də "Beynəlxalq Ticarət" ixtisası üzrə magistr dərəcəsi almışdır. 2007–2008-ci illərdə Azərbaycan Respublikası Ədliyyə Nazirliyi Penitensiar Xidmətin Mühafizə Alayında hərbi xidmətdə olmuşdur. 2008–2012-ci illərdə Bakı Dövlət Universitetinin hüquq fakültəsini bitirərək ikinci təhsilini almışdır. 2016–2017-ci illərdə İngiltərədə Anglia Ruskin Universitetinin "Business Administration" ixtisası üzrə MBA dərəcəsi almışdır.

2009–2014-cü illər bank sistemində məsul vəzifələrdə çalışıb. 2017-ci ildə YAP Nəsimi təşkilatının Gənclər birliyinin sədr müavini seçilmişdir.^[2]

2017-ci ildə Azərbaycan Nar İstehsalçıları və İxracatçıları Assosiasiyasının İdarə Heyətinin sədri seçilmişdir.^[4][5] . 2018-ci ilin iyul ayında "XXI Əsr Beynəlxalq Təhsil və İnnovasiya Mərkəzi"-nin Müşahidə Şurasının sədridir.^[6].2018–2024-cü illərdə Azərbaycan Respublikasının Kiçik və Orta Biznesin İnkişafı Agentliyi yanında İctimai Şuranın sədri çalışıb.^{[7][8][9][10]} 2018-ci ildə Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının İdarə Heyətinin üzvü seçilmişdir.^[11]. 2020-ci ildə Azərbaycan Respublikasının Qida Təhlükəsizliyi Agentliyi yanında İctimai Şuranın üzvü seçilmişdir.^[12] Türk Dövlətləri Təşkilatının nəzdində Türk Ticarət və Sənaye Palatalar Birliyinin Audit Komitəsinin üzvü seçilmişdir. 2021–2023-cü illərdə İqtisadiyyat Nazirliyi yanında Ictimai Şuraya katib seçilmişdir.^[13] Dövlət Statistika Komitəsi yanında Statistik Şuranın üzvü (Azərbaycan Respublikası Nazirlər Kabinetinin 2021-ci il 19 noyabr tarixli 356 nömrəli qərarı ilə təsdiq edilmişdir).^[14]

2012–2015-ci illərdə Azərbaycan Dövlət Aqrar Universitetində "Aqrar sahədə innovativ və dayanıqlı sahibkarlıq mühitinin formalaşdırılmasının prioritetləri" mövzusunda müdafiə edərək iqtisad üzrə fəlsəfə doktoru elmi dərəcəsi almışdır.^[15]

• Ailəlidir. İki övladı var.
• Milli qəhrəman Aqil Quliyevin bacısı oğludur.
• Azərbaycan Respublikası Daşınmaz Əmlakın Dövlət Reyestri Xidmətinin sabiq rəhbəri (2005–2009) Arif Qaraşovun oğludur.

• 2017-ci ildə Azərbaycan Respublikasının İxracın və İnvestisiyaların Təşviqi Fondu tərəfindən sədrlik etdiyi Azərbaycan Nar İstehsalçıları və İxracatçıları Assosiasiyası "İlin ən fəal assosiasiyası" nominasiyasına layiq görülüb.

• 3 iyun 2019-cu ildə Prezident İlham Əliyevin sərəncamı ilə Azərbaycan Respublikasının iqtisadi inkişafına verdikləri töhfəyə və sahibkarlığın genişləndirilməsi ilə bağlı dövlət siyasətinin həyata keçirilməsində səmərəli fəaliyyətlərinə görə "Tərəqqi" medalı ilə təltif olunub.^[16]

1. Fərhad Qaraşov: "Azərbaycanda bu il quraqlıq narın gec yetişməsinə səbəb olub"
2. Assosiasiya sədri:"Azərbaycanda mövsümün sonlarında narın qiyməti hətta 15 manata qalxır"
3. Çin bazarı əsas prioritetimizdir — Fərhad Qaraşov
4. Kilosu 1,5 manata, 18 ölkəyə satılan Azərbaycan narı hələ əsas bazarlara çıxa bilməyib, çətinliklər var – MÜSAHİBƏ
5. Fərhad Qaraşov: "Nar ixracını şaxələndirməyi hədəfləyirik"
6. Fərhad Qaraşov: "Rusiya-Ukrayna müharibəsi Azərbaycanda nar istehsalını bahalaşdırıb"