| Elxan Bəşirov | |
|---|---|
 | |
| Doğum tarixi | |
| Doğum yeri | Lerik, Azərbaycan SSR |
| Vətəndaşlığı |
 Azərbaycan |
| Milliyyəti | Azərbaycanlı |
| Təhsili | Azərbaycan Texniki Universiteti |
| Fəaliyyəti | sahibkar, iş adamı |
| Elmi dərəcəsi | elmlər doktoru |
| elkhanbashirov.az | |
Elxan Bəşirov (azərb. Elxan Hidayət oğlu Bəşirov) — azərbaycanlı iş adamı, sahibkar, Mətanət A Şirkətlər Qrupunun Müşahidə Şurasının sədri.
Elxan Hidayət oğlu Bəşirov 28 may 1968-ci ildə Azərbaycan Respublikasının Lerik rayonunda anadan olmuşdur. 1985–1992-ci illərdə Azərbaycan Dövlət Politexnik İnstitutunun (indiki, Azərbaycan Texniki Universiteti) Maşınqayırma texnologiyası ixtisası üzrə təhsil almışdır.
2003-cü ildən 2016-cı ilə qədər Azərbaycan Respublikasının Prezidenti yanında Sahibkarlar Şurasının üzvü olmuşdur.
Evlidir, 2 övladı var.
Elxan Bəşirov sahibkarlıq fəaliyyətinə 1988-ci ildə “Samira” tekstil kooperativinin təsisçisi və direktoru kimi başlamışdır.[1] 1992-ci ildə o, “EFTB” adlı kiçik müəssisəni təsis etmiş və direktor vəzifəsində çalışmışdır.
Elxan Bəşirov 10 yanvar 2000-ci ildə Mətanət A şirkətini təsis etmişdir. [2]. Müəssisə sənaye və istehsal istiqamətində fəaliyyət göstərmişdir.
Elxan Bəşirov, həmçinin, Azərbaycan Tikinti Materialları İstehsalçıları Assosiasiyasının (ATMİA) sədridir.[3]
2019-cu ildə Azərbaycan Respublikasının Prezidenti İlham Əliyevin sərəncamı ilə Elxan Bəşirova "Əməkdar mühəndis" fəxri adı verilmişdir [4].
2018–2022-ci illərdə Kiçik və Orta Biznesin İnkişafı Agentliyi (KOBİA) yanında İctimai Şuranın üzvü kimi fəaliyyət göstərmişdir.
O, tikinti materiallarının istehsalı sahəsində bir neçə yeni texnologiyanın tətbiqini həyata keçirmişdir. Bu texnologiyalar yerli xammaldan istifadə və məhsulun ekoloji standartlara uyğun istehsalını təmin etmişdir.[2]
2016-cı il tarixindən Beynəlxalq Akademik Akreditasiya və Attestasiya Komitəsinin (IAACC) elmlər doktorudur.
Elxan Bəşirov 2017-ci ildə Azərbaycan Respublikasının Prezidenti İlham Əliyevin sərəncamı ilə Azərbaycanın iqtisadi inkişafına verdikləri töhfəyə və sahibkarlığın genişləndirilməsi ilə bağlı dövlət siyasətinin həyata keçirilməsində səmərəli fəaliyyətlərinə görə "Tərəqqi" medalı almışdır [5].
- ↑ Elxan Bəşirov – Rəsmi bioqrafiya
- ↑ 1 2 "Mətanət A" rəsmi saytı
- ↑ ATMİA – Azərbaycan Tikinti Materialları İstehsalçıları Assosiasiyası
- ↑ "Elxan Bəşirova "Əməkdar mühəndis" fəxri adı verildi". president.az (az.). İstifadə tarixi: 3 iyun 2019.
- ↑ "Azərbaycan Respublikasında sahibkarlıq fəaliyyəti və sahibkarlarla iş sahəsində fərqlənən şəxslərin təltif edilməsi haqqında Azərbaycan Respublikasının Prezidenti İlham Əliyevin sərəncamı". e-qanun.az (az.).