Qaralama:Elçin Vəliyev

Elçin Vəliyev 1983-cü ildə Moskva şəhərində anadan olmuşdur. Orta təhsilini Bakıda almış, daha sonra Bakı Dövlət Universitetində bakalavr və magistr dərəcələri üzrə təhsilini başa vurmuşdur. Sonrakı illərdə Azərbaycan Dövlət Neft və Sənaye Universitetində neft mühəndisliyi üzrə ixtisasartırma, Ukraynanın İvano-Frankovsk Milli Texniki Neft və Qaz Universitetində isə qazma mühəndisliyi üzrə bakalavr dərəcəsi əldə etmişdir.

2018-ci ildə “Quyularda texnoloji əməliyyatların və neft hasilatının intensivləşdirilməsi üçün nanosistemlərin işlənməsi və tətbiqi” mövzusunda dissertasiya işini müdafiə edərək texnika üzrə fəlsəfə doktoru (PhD) alimlik dərəcəsi almışdır. 2024-cü ildə isə texnika elmləri doktoru alimlik dərəcəsi almaq üçün “Uzun müddət istismarda olan neft yataqlarının innovativ işlənməsinin nəzəri və praktiki əsasları” mövzusu üzrə dissertasiya işini müdafiə etmişdir.

Elçin Vəliyev əmək fəaliyyətinə 2004-cü ildə Azərbaycan Milli Aerokosmik Agentliyinin Ekologiya İnstitutunda kiçik elmi işçi kimi başlamışdır. Burada aerokosmik şəkillərin təhlili və ekoloji monitorinq sistemlərinin işlənməsi üzrə tədqiqatlar aparmışdır. 2008–2010-cu illərdə “BJ Services MER Ltd” şirkətinin sement və simulyasiya laboratoriyasında baş laborant vəzifəsində çalışmış, sement və qazma məhlullarının laboratoriya şəraitində analizi ilə məşğul olmuşdur.

2010–2012-ci illərdə Neftqazelmitədqiqatlayihə İnstitutunun qazma məhlulları laboratoriyasında böyük elmi işçi kimi fəaliyyət göstərmiş, sement və qazma məhlullarının sınaqları, məhlul tərkiblərinin hazırlanması və avadanlıqların kalibrlənməsi işlərini yerinə yetirmişdir. 2012–2017-ci illərdə həmin institutun Analitik Tədqiqatlar laboratoriyasında böyük elmi işçi olaraq neft, qaz, neft məhsulları, lay suları və müxtəlif məhlulların analizi ilə məşğul olmuş, həmçinin layların neftvermə əmsalının artırılması (EOR) üzrə aparılan laboratoriya tədqiqatlarında iştirak etmiş və rəhbərlik etmişdir.

2017–2022-ci illərdə laboratoriya müdirinin müavini vəzifəsində çalışmış, bu dövrdə ISO/IEC 17025:2017 standartlarına uyğunluğun təmin edilməsi və yeni texnologiyaların tətbiqi sahəsində fəaliyyət göstərmişdir. 2022-ci ildən Analitik Tədqiqatlar laboratoriyasının müdiri kimi fəaliyyət göstərir. Onun rəhbərliyi altında laboratoriyanın ISO/IEC 17025:2017 akkreditasiyası qorunur və genişləndirilir, müxtəlif fiziki-kimyəvi analizlər aparılır, EOR üzrə layihələr icra olunur və laboratoriyanın inkişaf istiqamətləri müəyyən edilərək reallaşdırılır.

Elçin Vəliyev müxtəlif ölkələrdə keçirilən treninqlərdə, elmi konfrans və sərgilərdə iştirak etmişdir.

Elçin Vəliyev 100-dən çox elmi əsərin müəllifidir. Onlara onlarla məqalə və tezislə yanaşı, 5 patent və 8 kitab daxildir. Kitablarından üçü ABŞ-ın Wiley and Sons nəşriyyatında çap olunmuşdur.

2021–2023-cü illərdə Stanford Universitetinin tərtib etdiyi "World’s Top 2% Scientists" siyahısına daxil edilmiş, 2022-ci ildə Azərbaycanda istinad sayı üzrə ilk yerdə qərarlaşmışdır.

O, bir sıra elmi qurumlarda və redaksiya heyətlərində fəaliyyət göstərir:

• "Neftqazelmitədqiqatlayihə" İnstitutunun Elmi şurasının üzvü;
• "Neftqazelmitədqiqatlayihə" İnstitutunun Elmi şurasının "Neft-qaz yataqlarının işlənməsi, istismarı və quyuların qazılması" bölməsinin üzvü;
• Scientific Petroleum jurnalının baş redaktorunun müavini;
• SOCAR Proceedings jurnalının baş redaktorunun müavini;
• Society of Petroleum Engineers cəmiyyətinin üzvü.

Bundan əlavə Journal of Petroleum Science & Engineering; Petroleum Science & Technology; International Journal of Oil, Gas and Coal Technology; Physics of Fluids; Industrial & Engineering Chemistry Research Journal; Energy & Fuels; Fuels; Colloids and Surfaces A: Physicochemical and Engineering Aspects Journal; RSC Advances; Journal of Molecular Liquids; Nature Reports jurnallarında rəyçi kimi fəaliyyət göstərir.

Elçin Vəliyevin elmi fəaliyyəti əsasən neft sənayesində layların neftvermə əmsalının artırılması (EOR) texnologiyaları, qazma və hasilat proseslərinin optimallaşdırılması, neft-mədən kimyası və nanomaterialların tətbiqi sahələrini əhatə edir. Onun araşdırmaları aşağıdakı əsas istiqamətlərdə cəmlənir:

1. Nanotexnologiyaların neftçıxarmada tətbiqi - Neft yataqlarında hasilatın səmərəliliyini artırmaq üçün nanofluidlər, nanogellər və koloid dispersiyalar əsasında texnologiyalar işlənmişdir. Bu istiqamətdə aparılan işlər Journal of Petroleum Science and Engineering, Petroleum Science and Technology və Modern Physics Letters B kimi nüfuzlu jurnallarda dərc olunmuşdur.
2. Laylarda suyun idarə olunması və profilin bərpası - Araşdırmalarında layların qeyri-bərabər işlənməsi nəticəsində yaranan su amlinin azaldılması, su təzahürlərinin təcrid olunması və sıxışdırılma profilinin düzləşdirilməsi üçün tikilmiş polimer gellər və nanogellərin tətbiqi metodları işlənmişdir. Bu sahədəki işləri Journal of Petroleum Science and Engineering, SPE Annual Caspian Technical Conference materiallarında dərc edilmişdir.
3. Polimerlərin süxurlarda adsorbsiya mexanizmləri - Polimerlərin məsaməli süxurlar tərəfindən tutulma (adsorbsiya) mexanizmlərinin öyrənilməsi, adsorbsiya proseslərinin modelləşdirilməsi və polimerlərin effektivliyinin artırılması istiqamətində tədqiqatlar aparmışdır.
4. Qazma məhlulları və sementləmə texnologiyaları - Qazma və sementləmə proseslərinin optimallaşdırılması, quyu izolyasiyasının keyfiyyətinin artırılması və sement məhlullarının reoloji xüsusiyyətlərinin təkmilləşdirilməsi üzrə araşdırmalar aparılmışdır. Bu sahədəki elmi nəticələr "Oil and Gas Well Cementing for Engineers" və "Теоретические и практические основы цементирования скважин" kitablarında öz əksini tapmışdır.
5. Az duzluluqlu və az codluqlu sularla neftverimin artırılması - Layların neftvermə əmsalını artırmaq məqsədilə az duzluluqlu və az sərtlikli suların istifadəsinin müqayisəli təhlilini aparmış, EOR mexanizmlərinin hidrokimyəvi əsaslarını izah etmişdir.

• 2021–2023-cü illərdə Stanford Universiteti və Elsevier tərəfindən dərc edilən World Ranking of Top 2% Scientists siyahısına daxil edilmişdir;
• Elmi əsərlərinə istinadlara görə h-indeksi – 25, i10-indeksi – 33 olmuşdur;
• SCOPUS verilənlər bazasının məlumatları əsasən, Azərbaycan üzrə h-index göstəricilərinə görə 28-ci yerdə, SOCAR daxilində isə 2-ci yerdə qərarlaşmışdır.
• 024-cü ildə Azərbaycan Respublikasının neft və qaz sənayesinin inkişafındakı xidmətlərinə görə SOCAR-ın Fəxri Fərmanı ilə təltif olunmuşdur.
• Ukraynanın İvano-Frankovsk Neft və Qaz Milli Texniki Universitetinin qarşısında xidmətlərə görə medalı ilə təltif olunmuşdur.

• Nanocolloids for Petroleum Engineering: Fundamentals and Practices — B. A. Suleimanov, E. F. Veliyev, V. Vishnyakov; John Wiley & Sons Ltd. (Böyük Britaniya, 2022), 288 səh.
• Oil and Gas Well Cementing for Engineers — B. A. Suleimanov, E. F. Veliyev, A. A. Aliyev; John Wiley & Sons Ltd. (Böyük Britaniya, 2023), 272 səh.
• Methods for Enhanced Oil Recovery: Fundamentals and Practice — B. A. Suleimanov, E. F. Veliyev; John Wiley & Sons Ltd. (Böyük Britaniya, 2025), 432 səh.
• Теоретические и практические основы цементирования скважин — B. A. Suleimanov, E. F. Veliyev, A. D. Shovgenov; Moscow, Institute of Computer Science (2022), 292 səh.

1. Nanofluid for enhanced oil recovery B. A. Suleimanov, F. S. Ismailov, E. F. Veliyev. Journal of Petroleum Science and Engineering, 2011.
2. Review of modern in-situ fluid diversion technologies E. F. Veliyev. SOCAR Proceedings, 2020
3. Mechanisms of polymer retention in porous media E. F. Veliyev. SOCAR Proceedings, 2020
4. Colloidal dispersion nanogels for in-situ fluid diversion B. A. Suleimanov, E. F. Veliyev, A. A. Aliyev. Journal of Petroleum Science and Engineering, 2020
5. Selection methodology for screening evaluation of EOR methods Suleimanov B. A., Ismayilov F. S., Dyshin O. A., Veliyev E. F. Petroleum Science and Technology, 2016
6. Comparative analysis of the EOR mechanisms by using low salinity and low hardness alkaline water Suleimanov B. A., Latifov Y. A., Veliyev E. F., Frampton H. Journal of Petroleum Science and Engineering, 2018
7. Water shutoff using crosslinked polymer gels Veliyev E. F., Aliyev A. A., Guliyev V. V., Naghiyeva N. V. SPE Annual Caspian Technical Conference, 2019
8. Novel polymeric nanogel as diversion agent for enhanced oil recovery Suleimanov B. A., Veliyev E. F. Petroleum Science and Technology, 2017
9. Colloidal dispersion gels for in-depth permeability modification Suleimanov B. A., Veliyev E. F., Naghiyeva N. V. Modern Physics Letters B, 2021
10. Nanogels for deep reservoir conformance control Suleimanov B. A., Veliyev E. F. SPE Annual Caspian Technical Conference, 2016

1. "Azərbaycan alimləri Stenford Universitetinin 2022-ci ilin reytinq siyahısında". 19 oktyabr 2022 tarixində arxivləşdirilib. İstifadə tarixi: 11 noyabr 2022.
2. "2022-ci il üzrə Elsevier nəşriyyatının rəsmi reytinq siyahısı".
3. "Azərbaycan alimləri Stenford Universitetinin 2023-cü ilin reytinq siyahısında".
4. "Methods for enhanced oil recovery: Fundamentals and practice / B. A. Suleimanov, E. F. Veliyev. – Weinheim: Wiley-VCH, 2025. – 432 p."
5. "Oil and gas well cementing for engineers / B. A. Suleimanov, E. F. Veliyev, A. A. Aliyev. – Hoboken: Wiley, 2023. – 272 p."
6. "Nanocolloids for petroleum engineering: Fundamentals and practices / B. A. Suleimanov, E. F. Veliyev, V. Vishnyakov. – Hoboken: Wiley, 2022. – 288 p."
7. "Elçin Vəliyevin texnika üzrə fəlsəfə doktoru dissertasiya işinin avtoreferatı" (PDF).
8. "Elçin Vəliyevin texnika üzrə elmlər doktoru dissertasiya işinin avtoreferatı" (PDF).
9. "H-index Azərbaycan - Scopus".