Hərbi-tibb baş idarəsi — Azərbaycan Respublikası Dövlət Təhlükəsizliyi Xidmətinin Hərbi-tibb baş idarəsi DTX-nin hərbi qulluqçularının, pensiyaçılarının və onların ailə üzvlərinin sağlamlığının qorunması istiqamətində kompleks müalicə – profilaktik və diaqnostik tibbi xidmətləri həyata keçirən müstəqil struktur bölmədir.[1]
| DTX Hospital | |
|---|---|
| Dövlət Təhlükəsizliyi Xidmətinin Hərbi-Tibb Baş İdarəsi | |
 | |
| Ünvan | Bakı şəhəri. Badamdar qəs. Məktəbli küç. 1 |
| Tabelik | Dövlət Təhlükəsizliyi Xidməti |
| Yaradılıb | 12 noyabr 2013 |
| Rəis | Rüfət Əliyev |
Azərbaycanda əhaliyə keyfiyyətli səhiyyə xidmətinin göstərilməsi istiqamətində atılan addımlardan biri də Dövlət Təhlükəsizliyi Xidmətinin (DTX) Baş Hərbi Tibb İdarəsinin ən müasir tələblərə cavab verən xəstəxanasının istifadəyə verilməsidir. 2013-cü il noyabrın 12-də Prezident İlham Əliyevin iştirakı ilə açılışı olub. Xəstəxananın həyətində müasir Azərbaycanın qurucusu və memarı, ulu öndər Heydər Əliyevin abidəsi ucaldılıb.[2]
Hərbi-tibb baş idarəsinin müvafiq strukturları tibbi təminat hüququ olan şəxslərə mövcud qanunvericilik, zəruri hallarda digər şəxslərə yüksək səviyyəli peşəkar tibbi xidmətin göstərilməsini həyata keçirir.
Baş İdarədə qəbul, cərrahiyyə bloku, reanimasiya, intensiv terapiya və anesteziologiya, cərrahiyyə, kliniki və analitik tədqiqatlar laboratoriyası, kardiologiya, funksional-diaqnostika, şüa diaqnostika və digər şöbə və bölmələri fəaliyyət göstərir. Şöbələrimizdə bütün palatalar monitor, kondisioner, süni ventilyasiya cihazı, xəstə çağırış siqnalı, mərkəzləşdirilmiş qaz və vakuum sistemləri ilə təchiz olunub.
Hərbi Tibb Baş İdarəsinin Hərbi Hospitalında 150 çarpayı, hospitalda poliklinika, mərkəzi laboratoriya, əməliyyat bloku, reanimasiya və intensiv terapiya, anqioqrafiya, radiologiya, endoskopiya şöbələri mövcuddur.
Dövlət Təhlükəsizliyi Xidmətinin Hərbi Tibb Baş İdarəsinin tabeliyində olan Poliklinikada əməkdaşların ilkin müraciətlərin qəbulu həyata keçirilir.
Hərbi Tibb Baş İdarəsinin tabeliyində olan, Bilgəh qəsəbəsində yerləşən İstirahət Mərkəzi fəaliyyət göstərir.