| Abbas Axunbəyli | |
|---|---|
| Doğum tarixi | |
| Doğum yeri | Düz Qırıqlı, Tovuz rayonu, Azərbaycan SSR |
| Vəfat tarixi | |
| Vətəndaşlığı | Azərbaycan SSR, Azərbaycan |
| Milliyyəti | azərbaycanlı |
| Təhsili | Azərbaycan Dövlət Tibb Universiteti |
| Elmi dərəcəsi | tibb elmləri doktoru |
| Elmi adı | professor |
| Mükafatları |
|
Abbas Əhməd oğlu Axunbəyli (30 oktyabr 1938, Düz Qırıqlı, Tovuz rayonu – 2014) — tibb elmləri doktoru, professor, Əməkdar elm xadimi, Azərbaycan anesteziologiya və reanimatologiya elmi məktəbinin banilərindən biri.
Abbas Axunbəyli 30 oktyabr 1938-ci ildə Tovuz rayonunun Düz Qırıqlı kəndində müəllim ailəsində anadan olmuşdur. 1954-cü ildə orta məktəbi fərqlənmə ilə bitirmiş, həmin il Azərbaycan Dövlət Tibb İnstitutunun Müalicə-profilaktika fakültəsinə daxil olmuşdur. 1960-cı ildə ali təhsilini fərqlənmə diplomu ilə başa vurmuşdur.
SSRİ Tibb Elmləri Akademiyasının A. V. Vişnevski adına Cərrahiyyə İnstitutunda aspiranturada təhsil almışdır. 1965-ci ildə namizədlik, 1970-ci ildə isə “Narkoz və hemokoaqulyasiya” mövzusunda doktorluq dissertasiyasını müdafiə etmişdir. O, Azərbaycanda anesteziologiya və reanimatologiya sahəsində ilk elmlər doktoru olmuşdur.
1974-cü ildə Azərbaycan Tibb Universitetində Anesteziologiya və Reanimatologiya kafedrasının yaradılmasında iştirak etmiş və həmin kafedranın müdiri təyin olunmuşdur. O, ömrünün sonuna qədər bu kafedraya rəhbərlik etmişdir.
Onun rəhbərliyi altında 30-dan çox elmlər namizədi və doktoru hazırlanmış, yüzlərlə elmi məqalə, dərs vəsaiti və monoqrafiya yazılmışdır. Daxili xəstəliklər adlı dərs vəsaiti tibb tələbələri və mütəxəssislər arasında geniş istifadə edilmişdir.
Abbas Axunbəyli həm də 1976–2014-cü illərdə Respublika Anestezioloqlar və Reanimatoloqlar Elmi-Tibbi Cəmiyyətinin sədri olmuş, bir çox beynəlxalq və respublika səviyyəli konfransların təşkilatçısı olmuşdur.
- “Şərəfli əməyə görə” medalı (1971)
- “Şərəf nişanı” ordeni (1986)
- “SSRİ Səhiyyə Əlaçısı” (1987)
- “Əməkdar elm xadimi” (2000)
- “Şöhrət” ordeni (2010)
Abbas Əhməd oğlu Axunbəyli 2014-cü ildə vəfat etmişdir.