Əlövsət Vilayət oğlu Allahverdiyev (30 yanvar 1977, Gədəbəy rayonu, Azərbaycan) — Azərbaycanlı hüquqşünas və pedaqoq, hüquq üzrə fəlsəfə doktoru (2012), dosent (2018). Bakı Dövlət Universitetinin Hüquq fakültəsinin müəllimi, “Azərbaycan Dəmir Yolları” QSC-nin Sənədlərlə iş şöbəsinin müdiri və Bakı 1 saylı Mediasiya Təşkilatının mediatorudur.
Əlövsət Allahverdiyev 1977-ci il yanvarın 30-da Gədəbəy rayonunun Arabaçı kəndində anadan olmuşdur. 1984–1994-cü illərdə orta təhsil almışdır. 1995–2001-ci illərdə beynəlxalq hüquq ixtisası üzrə bakalavr və magistratura pillələrini fərqlənmə ilə bitirmişdir. 2001–2002-ci illərdə hərbi xidmətdə olmuşdur.
2003-cü ildə AMEA-nın Fəlsəfə və Hüquq İnstitutunun beynəlxalq hüquq ixtisası üzrə dissertanturasına daxil olmuşdur. 2012-ci ildə hüquq üzrə fəlsəfə doktoru elmi dərəcəsini, 2018-ci ildə isə dosent elmi adını almışdır. 2019–2024-cü illərdə Bakı Dövlət Universitetində elmlər doktoru proqramı üzrə doktorantura təhsili almışdır.
Ailəlidir, iki övladı var.
Əlövsət Allahverdiyev 2002-ci ildən pedaqoji fəaliyyətlə məşğuldur.
- 2002–2004 — Ali Diplomatiya Kolleci, müəllim
- 2004–2005 — Bakı Diplomatiya Universiteti, müəllim
- 2005 — Ali Diplomatiya Kollecində xarici əlaqələr və gənclərlə iş üzrə prorektor
- 2005–2006 — Bakı Diplomatiya Universiteti, Beynəlxalq hüquq və iqtisadiyyat kafedrası, müəllim
- 2003–2015 — Silahlı Qüvvələrin Hərbi Akademiyası, baş müəllim
- 2010–2011 — “Azərbaycan Dəmir Yolları” QSC, İnfrastruktur departamenti, hüquqşünas
- 2011-ci ildən — “Azərbaycan Dəmir Yolları” QSC, Sənədlərlə iş şöbəsinin müdiri
- 2019-cu ildən — Bakı Dövlət Universiteti, Hüquq fakültəsinin müəllimi
- 2024-cü ildən — Bakı 1 saylı Mediasiya Təşkilatı, mediator
2003-cü ildən maarifçilik fəaliyyəti ilə məşğuldur. 2005-ci ildən “Uğur” Maarifçilik İctimai Birliyinin təsisçisi və sədridir.
Bakalavr səviyyəsində “Məişət zorakılığına qarşı mübarizə”, magistratura səviyyəsində isə “Beynəlxalq insan hüquqları və beynəlxalq humanitar hüquq”, “İnsan alverinə qarşı beynəlxalq və milli mübarizə”, “Beynəlxalq hüquqda əhali və miqrasiya problemləri”, “Beynəlxalq insan hüquqları hüququ”, “Beynəlxalq cinayət hüququ” fənlərini tədris edir. Magistr və doktorant dissertasiyalarına elmi rəhbərlik edir.
- Beynəlxalq hüquq
- İnsan hüquqları
- Beynəlxalq cinayət hüququ
- Beynəlxalq humanitar hüquq
Ümumilikdə 60-a yaxın elmi əsərin müəllifidir. 2 dərs vəsaiti, 12 tədris proqramı (o cümlədən 4-ü həmmüəllifliklə), 40-a yaxın elmi məqalə və konfrans materialı müəllifidir.
- Beynəlxalq hüququnun əsasları və ixtisas (regionunun) ölkəsinin hüquq sistemi. Fənn proqramı. Bakı: Vətən nəşriyyatı, 2016
- Beynəlxalq xüsusi hüquq. Fənn proqramı. Bakı: Vətən nəşriyyatı, 2016
- İnsan alverinə qarşı beynəlxalq və milli mübarizə. Fənn proqramı. Bakı: BDU nəşriyyatı, 2019
- Xarici əlaqələr hüququ. Fənn proqramı. Bakı: Vətən nəşriyyatı, 2016
- Beynəlxalq hüquqda insanlıq əleyhinə cinayətlər. Dərs vəsaiti. Bakı: Elm və Təhsil
- Rəqəmsallaşan dünyada insan alverinə qarşı mübarizənin yeni çağırışları. Elektron kitab (PDF). Azərbaycan və ingilis dillərində, 2025