Əhliman Qəhrəman oğlu Şirinov (1930, Kürdəmir rayonu, Qocalı kəndi — 6 iyun 2009) — azərbaycanlı aqronom və dövlət xadimi.
1930-cu ildə Kürdəmir rayonunun Qocalı kəndində anadan olmuşdur.[1]
1949-cu ildə orta məktəbi bitirdikdən sonra Azərbaycan Kənd Təsərrüfatı İnstitutunun aqronomluq fakültəsinə daxil olmuş, 1955-ci ildə ali təhsilini başa vuraraq alim aqronom ixtisası almışdır.
1956-cı ildə Mollakənd MTS-də aqronom və baş aqronom vəzifələrində çalışmışdır. 1958-ci ildə MTS-lərin ləğvindən sonra Kürdəmir rayon kənd təsərrüfatı müfəttişliyinin rəisi olmuş, eyni zamanda rayon icraiyyə komitəsi sədrinin müavini vəzifəsində işləmişdir.
1961–1967-ci illərdə Kürdəmir Rayon İcraiyyə Komitəsinin sədri vəzifəsində fəaliyyət göstərmişdir.
1968–1970-ci illərdə “Bolşevik” qoyunçuluq sovxozunun direktoru, 1970–1975-ci illərdə respublika pambıq toxumçuluq stansiyasının direktoru olmuşdur.
1978–1994-cü illərdə rayon kənd təsərrüfatı idarəsində aparıcı aqronom, 1994–1998-ci illərdə isə Kürdəmir pambıq emalı zavodu nəzdində toxum-nəzarət laboratoriyasında aqronom vəzifəsində çalışmışdır.
6 iyun 2009-cu ildə vəfat etmişdir.
- ↑ Abdullayev, Tofiq. Xatirələr yaşadır. Bakı: Elm və təhsil. 2014. səh. 113.