Əhmədova Şəhla Müzəffər qızı (1971, Zəyəm qəsəbəsi, Şəmkir rayonu, Azərbaycan) — Azərbaycan tarixçisi, politoloq və pedaqoqdur. Müasir Azərbaycan tarixi sahəsində tədqiqatlar aparır və ali təhsil sistemində elmi-pedaqoji fəaliyyət göstərir.
Şəhla Müzəffər qızı Əhmədova 1971-ci ildə Azərbaycan Respublikasının Şəmkir rayonunun Zəyəm qəsəbəsində anadan olmuşdur.
Şəhla Əhmədova tarixçi-politoloq və pedaqoq kimi elmi və pedaqoji fəaliyyətlə məşğuldur. Onun əsas tədqiqat sahəsi Müasir Azərbaycan tarixidir.
O, Azərbaycan Respublikasında və xarici ölkələrdə nəşr olunan, elmi reytinqi yüksək olan jurnallarda dərc edilmiş 30 elmi məqalənin müəllifidir. Bundan əlavə, iki elmi-metodiki proqram vəsaitinin həmmüəllifidir.
Hazırda o, Sumqayıt Dövlət Universitetinin Tarix-coğrafiya fakültəsinin "Tarix, coğrafiya və metodika" kafedrasında baş müəllim vəzifəsində çalışır.
Şəhla Əhmədova ailəlidir və iki övladı var.
