 | Bu səhifədə iş davam etməkdədir. |
| Şövqi Həsənov | |
|---|---|
| Şövqi Vaqif oğlu Həsənov | |
| Doğum tarixi | |
| Doğum yeri | Naxçıvan MR Şərur rayonu, Qışlaqabbas kəndi |
| Vətəndaşlığı |
 Azərbaycan |
| Milliyyəti | azərbaycanlı |
| Elmi dərəcəsi | tarix üzrə fəlsəfə doktoru |
| İş yerləri | AMEA Tarix və Etnologiya İnstitutu |
| Təhsili | Azərbaycan Dövlət Pedoqoji Universiteti |
Şövqi Vaqif oğlu Həsənov(10 mart 1977, Naxçıvan MR Şərur rayonu, Qışlaqabbas kəndi)— tarix üzrə fəlsəfə doktoru. AMEA A. A. Bakıxanov adına Tarix və Etnologiya İnstitunun "Müasir dövr etnologiyası" şöbəsinin müdiri.[1]
Həsənov Şövqi Vaqif oğlu 10 mart 1977-ci ildə Naxçıvan MR Şərur rayonu Qışlaqabbas kəndində anadan olmuşdur.1995-ci ildə İbadulla kənd orta məktəbini bitirərək N.Tusi adına Azərbaycan Dövlət Pedoqoji Universitetin “Tarix” fakultəsinə daxil olmuşdur. 1999-cu ildə bakalavr, 2001-ci ildə isə həmin istiqamət üzrə magistraturanı fərqlənmə diplomu ilə bitirmişdir.Elə həmin ildə AMEA Arxeologiya və Etnoqrafiya İnstitutun aspiranturasına qəbul olmuş, 2001-2004-cü illərdə aspiranturada təhsil alarkən “Naxçıvan tarixi-etnoqrafik fenomendir” mövzusunda namizədlik dissertasiyası üzərində işləmişdir.
2005-ci ildə namizədlik dissertasiyasını uğurla müdafiə edərək, tarix üzrə fəlsəfə doktoru alimlik dərəcəsinə layiq görülmüşdür. 3 yanvar 2005-ci ildə müvafiq İnstitutun kiçik elmi işçi vəzifəsinə qəbul edilmişdir. 16 may 2006-cı il tarixdə Ali Attestasiya Komissiyasının qərarı ilə tarix elmlər namizədi alimlik dərəcəsi almışam.15 yanvar 2007-ci il tarixdə elmi işçi, 10 yanvar 2008-ci ildə Böyük elmi işçi, 7 yanvar 2014-cü ildə aparıcı elmi işçi vəzifəsinə təyin olunmuşdur.
2009-cu il AMEA Arxeologiya və Etnoqrafiya İnstitutunun Elmi Şurasının qərarı ilə “Naxçıvan tarixi-etnoqrafik fenomendir” adlı monoqrafiyası çap olunmuşdur. 2019-cu il 7 oktyabr tarixində etnoqrafiya və etnologiya ixtisası üzrə Dosent elmi adı almışdır.
Hal-hazırda “XIX-XX əsrlərdə Naxçıvan diyarının etnodemoqrafik vəziyyəti” adlı doktorluq dissertasiyası üzərində işləyir.28 mart 2023-cü il tarixində Arxeologiya, Etnoqrafiya və Antropologiya İnstitutunun “Müasir dövr etnoqrafiyası” şöbəsinin müdiri təyin olunmuşdur.
31 may 2023-cü il tarixdə AMEA-da aparılan struktur dəyişiklikləri ilə əlaqədar həmin İnstitututdan A.A.Bakıxanov adına Tarix İnstitutuna köçürülmüşdür. 1 iyun 2023-cü il tarixdən AMEA Tarix və Etnologiya İnstitutunun “Müasir dövr etnologiyası” şöbəsinin müdiri vəzifəsində çalışır. A.A.Bakıxanov adına Tarix və Etnologiya İnstitutunun Elmi şurasının üzvüdür. 7 iyun 2024-cü il tarixdə A.A.Bakıxanov adına Tarix və Etnologiya İnstitutunun Həmkarlar Təşkilatının sədri vəzifəsinə seçilmişdir.
- ↑ "Həsənov Şövqi Vaqif oğlu". İstifadə tarixi: 29 mar 2025.