 | Bu səhifədə iş davam etməkdədir. |
| Ülvi Məmmədov | |
|---|---|
| Ülvi Razim oğlu Məmmədov | |
| Şəxsi məlumatlar | |
| Vətəndaşlığı |
 Azərbaycan |
| Doğum tarixi | |
| Doğum yeri | Sumqayıt, Azərbaycan |
| Təhsili | Polis Akademiyası (Azərbaycan) |
| Boyu | 180 sm |
| Çəkisi | 84 kq |
| İdman növü |
 Karate |
Ülvi Məmmədov (d. 12 fevral 1999 Sumqayıt, Azərbaycan) — Azərbaycanlı karateçi, Şotokan karate üzrə üzrə dünya və avropa çempionatlarının qalibi və mükafatçısı, 2-ci dan qara kəmər sahibi.[1]
O, dünya çempionatının gümüş və bürünc medalçısı, Avropa çempionu, həmçinin dünya və Avropa çempionatlarının müxtəlif dərəcəli mükafatçısı olmuşdur. Bununla yanaşı, o, dəfələrlə beynəlxalq turnirlərin qalibi və mükafatçısı, həmçinin Azərbaycan çempionatının çoxqat qalibidir.[2]
Ülvi Razim oğlu Məmmədov 10 fevral 1999-cu ildə Azərbaycanın Sumqayıt şəhərində anadan olmuşdur. Uşaqlıq illərindən idmana maraq göstərmiş, xüsusilə də döyüş növlərinə meyil etmişdir. Erkən yaşlarından karate ilə məşğul olmağa başlamışdır. Gənc yaşlarından beynəlxalq turnirlərdə çıxış edərək uğurlar qazanmış, Azərbaycanı təmsil etmişdir.
2022-ci ildə Çexiyanın Pardubitse şəhərində Dünya Şotokan Federasiyasının (WSF) təşkilatçılığı ilə keçirilən 12-ci dünya çempionatında böyüklər arasında 84 kiloqram çəki dərəcəsində keçirdiyi 4 döyüşün hamısını qələbə ilə başa vuraraq, dünya çempionu olub.[3][4]
2023-cü ilin aprelində Bolqarıstanın Kranevo şəhərində Dünya və Avropa Şotokan Federasiyasının (WSF/ESF) təşkilatçılığı ilə keçirilən 13-cü Avropa çempionatında 84 kiloqram çəki dərəcəsində keçirdiyi dörd döyüşün hamısını qələbə ilə başa vurub. O finala gedən yolda Rumıniya, Gürcüstan və Çex təmsilçisindən üstün olub. Finalda yerli bolqar idmançı ilə qarşılaşan Azərbaycan təmsilçisi görüşdən qalib ayrılaraq Avropa çempionu titulunu qazanıb.[5][6]
2023-cü ilin iyununda Gürcüstanın Batumi şəhərində keçirilən karate üzrə açıq beynəlxalq turnirdə 84 kiloqram çəki dərəcəsində keçirdiyi iki döyüşün hər birini qələbə ilə başa vuraraq qalib olub. O, qələbəsini Azərbaycanın Milli Qəhrəmanı Mübariz İbrahimova həsr edib.[7]
2025-ci ildə Rumıniyanın Tarqu Mureş şəhərində keçirilmiş 15-ci Avropa Karate Çempionatında gümüş medal qazanıb.[8][9]
Yüksək idman nəticələrinə görə Dünya Fudokan Federasiyası tərəfindən 2022-ci ildə Azərbaycanda “İlin idmançısı” fəxri adına layiq görülmüşdür.
- ↑ "Azərbaycan idmanının uğurlarla zəngin 2023-cü ili - ARAŞDIRMA". Report.az (az.). İstifadə tarixi: 2025-09-01.
- ↑ "Karateçimiz Ülvi Məmmədov Avropa çempionatında iştirak edəcək". Sia.az (az.). 2023-04-29. İstifadə tarixi: 2025-09-01.
- ↑ "Karateçimiz Ülvi Məmmədov dünya çempionu olub". azertag.az (az.). İstifadə tarixi: 2025-09-01.
- ↑ "Karateçimiz Ülvi Məmmədov dünya çempionu oldu - FOTO". Sia.az (az.). 2022-09-13. İstifadə tarixi: 2025-09-01.
- ↑ "Azərbaycan karateçisi Avropa çempionu olub". Report.az (az.). İstifadə tarixi: 2025-09-01.
- ↑ "Ülvi Məmmədov Avropa çempionu olub". Xalqqazeti.az (az.). İstifadə tarixi: 2025-09-01.
- ↑ "Karateçimiz beynəlxalq turnirin qalibi oldu". olimpiyadunyasi.com (az.). İstifadə tarixi: 2025-09-01.
- ↑ "Azərbaycan karateçisi Ülvi Məmmədov 15-ci Avropa Çempionatında gümüş medala layiq görüldü". baku.tv (az.). İstifadə tarixi: 2025-09-01.
- ↑ "Dünya çempionu Ülvi Məmmədov Avropa Karate Çempionatında medal qazandı - FOTO+VİDEO - Unikal.az". unikal.az. İstifadə tarixi: 2025-09-01.