Qaradağ qaz emalı zavodu — Azərbaycanın Qaradağ rayonunda yerləşən təbii və səmt qazının emalı zavodu. Qaradağ qaz emalı zavodu Azərbaycan Dövlət Neft Şirkətinin strukturuna daxildir.
| Qaradağ qaz emalı zavodu | |
|---|---|
| Ümumi məlumatlar | |
| Təsis tarixi | 1958 |
Qaradağ qaz emalı zavodunun əsası 1958-ci ildə Sovet İttifaqının keçmiş "Qiproazneft" İnstitutu tərəfindən qoyulmuşdur. Zavodun yaradılmasında əsas məqsəd təbii qazın, qaz kondensatının və yüngül karbohidrogenlərin emalı idi. Zavodun tikintisinin birinci mərhələsi 1961-ci ildə başa çatdırılmışdır. Birinci mərhələ benzinin qazdan ayrılması üçün avadanlıqlardan ibarət 3 nömrəli texniki sexin, eləcə də qaz kondensatının emalı və səmt qazının fraksiyalaşdırılması üçün avadanlıqlardan ibarət 4 nömrəli sexin istismara verilməsindən ibarət olmuşdur.[1]
Birinci mərhələdə zavodun gücü ildə 4,5 milyard kubmetr qaz emal etməyə imkan vermişdir. 1986-cı ildə gücü artırmaq üçün zavod yenidən qurulmuş, nəticədə məhsuldarlıq 6,5 milyard kubmetrə qədər artmışdır. Yenidənqurma işləri nəticəsində estakadaya yeraltı qaz kəmərləri köçürülmüş, yeraltı su boruları yerüstü ilə əvəz edilmişdir.[1]
2003–2004-cü illərdə zavodda iki kanallı "yüksək təzyiqli qazçıxarma" və "ümumi qazçıxış" xətti tikilərək istifadəyə verilmişdir. 2009-cu ildə daha bir "ümumi buraxılış" qaz xətti istifadəyə verilmişdir.[1]
Qaradağ qaz emalı zavodunun strukturuna 8 istehsal və xidmət sahəsi, mərkəzi laboratoriya və anbar daxildir.[1][2]
"Azərbaycan Respublikası Dövlət Neft Şirkətinin strukturunun təkmilləşdirilməsi haqqında" Azərbaycan Respublikası Prezidentinin 24 oktyabr 2003-cü il tarixli 844 nömrəli,[3] 2 may 2007-ci il tarixli 2142 nömrəli,[4] 7 oktyabr 2009-cu il tarixli 164 nömrəli sərəncamları[5] əsasında zavod SOCAR-ın strukturuna daxil edilmişdir.
- ↑ 1 2 3 4 "ŞİRKƏT · SOCAR" (ingilis). www.socar.az. 2018-07-06 tarixində arxivləşdirilib. İstifadə tarixi: 2018-08-14.
- ↑ "SOCAR-ın bu il Qaz Emalı Zavodunda təmizlənmiş təbii qazın həcmi 1,6 mlrd. kubmetr olub". Report İnformasiya Agentliyi (az.). 2018-07-29 tarixində arxivləşdirilib. İstifadə tarixi: 2018-08-14.
- ↑ "E-QANUN". e-qanun.az. 2024-03-19 tarixində arxivləşdirilib. İstifadə tarixi: 2025-01-24.
- ↑ "Qaz Emalı Zavodu təbii qazın, qaz kondensatının, yüngül karbohidrogenlərin geniş fraksiyasının emalı, quru qaz, qaz benzini, texniki butan, texniki propan-butan qarışığı, ağır kondensat məhsullarının və digər malların istehsalını həyata keçirir". qanuninfo.az. 2021-05-11 tarixində arxivləşdirilib. İstifadə tarixi: 2025-01-24.
- ↑ "E-QANUN". e-qanun.az. 2024-07-22 tarixində arxivləşdirilib. İstifadə tarixi: 2025-01-24.