Qarabağ–İnter Milan 0:0 — UEFA Avropa Liqası 2014/2015 qrup mərhələsinin 6-cı turunda 11 dekabr 2014-cü ildə Bakıda keçirilmiş qarşılaşma. Oyundan əvvəl "Qarabağ" 5 xalla qrupda ikinci, "İnter Milan" 11 xalla birinci yerdə idi.
| Qarabağ 0–0 İnter Milan | |||||||
|---|---|---|---|---|---|---|---|
 Oyunun başlamasından əvvəl stadiondan görüntü | |||||||
| Turnir | UEFA Avropa Liqası 2014/2015 qrup mərhələsi | ||||||
|
|||||||
| Tarix | 11 dekabr 2014 | ||||||
| Yer | Tofiq Bəhramov adına Respublika Stadionu, Bakı | ||||||
| Hakim | Miroslav Zelinka | ||||||
| Tamaşaçı | 31.200[1] | ||||||
"Qarabağ" 2013-14 mövsümündə Azərbaycan Premyer Liqasının qalibi olaraq UEFA Çempionlar Liqasında iştirak etmək hüququ qazanıb. I təsnifat mərhələsində Maltanın "Valletta" klubunu mübarizədən kənarlaşdırıb. II mərhələdə Avstriyanın "Red Bull Zalsburq" klubuna məğlub olaraq mübarizəni UEFA Avropa Liqasının pley-off mərhələsində davam etdirib. Bu mərhələdə Niderlandın "Tvente" klubunu mübarizədən kənarlaşdıraraq tarixində ilk dəfə UEFA Avropa Liqasının qrup mərhələsinə vəsiqə qazanıb.[2]
"İnter Milan" İtaliya A seriyasının 2013-14 mövsümünü 5-ci yerdə başa vuraraq UEFA Avropa Liqasının pley-off mərhələsinə vəsiqə qazanıb.[3] Bu mərhələdə İslandiyanın "Styarnan" klubunu məğlub edərək qrup mərhələsinə yüksəlib.[4]
3 oktyabr 2014-cü ildə "Qarabağ" və "İnter" arasında Milanda keçirilmiş ilk oyunda "İnter" Danilo D'Ambrozio və Mauro İkardinin qolları ilə 2-0 hesabı ilə qələbə qazanmışdı.[5]
Bu oyuna qədər "İnter" 11 xal toplayaraq növbəti mərhələyə vəsiqəni təmin etmişdi. "Qarabağ" qrupda 5 xalla ikinci pillədə idi. "Qarabağ" məğlub olacağı təqdirdə növbəti mərhələ şansını itirirdi. Oyunda heç-heçə olacağı halda isə qrupda keçirilən digər oyunun nəticəsindən asılı olaraq növbəti mərhələyə yüksələ bilərdi. "Dnepr"-"Sent-Etyen" oyunu da heç-heçə başa çatsa idi, "Qarabağ" ikinci pillənin sahibi kimi növbəti mərhələyə yüksələcəkdi.[2] Qrupda vəziyyət aşağıdakı kimi idi:
| Komanda | X | O | Q | H | M | VQ | BQ | QF |
|---|---|---|---|---|---|---|---|---|
 İnter Milan FK |
11 | 5 | 3 | 2 | 0 | 6 | 2 | +4 |
 Qarabağ FK |
5 | 5 | 1 | 2 | 2 | 3 | 5 | -2 |
 Sent-Etyen FK |
5 | 5 | 0 | 5 | 0 | 2 | 2 | 0 |
 Dnepr FK |
4 | 5 | 1 | 1 | 3 | 3 | 5 | -2 |
Oyun saat 21:00-da Bakıda Tofiq Bəhramov adına Respublika Stadionunda başlayıb. Qarşılaşmanı 31200 azarkeş izləyib.
"İnter" bu oyuna qədər qrupda birinciliyi təmin etmişdi və oyuna əsasən daha az oynamaq şansı əldə edən və gənclərdən ibarət heyətlə çıxmışdı. Mançini komandanı 3-5-2 taktiki sxemi ilə meydana çıxarmışdı. Qurbanov isə 4-2-3-1 sxemini seçmişdi.[6]
"Qarabağ" azarkeşlərinin böyük dəstəyi ilə oyunun ilk dəqiqələrində küncdən zərbələr vursa da, hesabı aça bilmədi.[7]
Oyunun Oyunun 18-ci dəqiqəsində "Qarabağ"ın yarımmüdafiəçisi Namiq Ələsgərov sarı vərəqə alıb. 43-cü dəqiqədə "Qarabağ"ın hücumçusu Vüqar Nadirov zədələnərək oyunu davam etdirə bilməyib. Namiq Yusifov onun yerinə oyuna daxil olub. İlk hissə 0-0 hesabı ilə başa çatıb.
İkinci hissədə, 60-cı dəqiqədə Qurban Qurbanov daha bir futbolçunu əvəzləyib. Namiq Ələsgərovun əvəzinə oyuna İlqar Qurbanov daxil olub.
Matçın ikinci 45 dəqiqəsində üstünlük "Qarabağ"da olsa da, real qol vəziyyətləri az idi.[7]
Oyunun ikinci hissəsinə əlavə edilmiş 4-cü dəqiqədə Riçard Almeyda uzaqdan "İnter"in qapısına zərbə vurdu, top "İnter"in futbolçusu Donkora toxunub qapıya daxil oldu, lakin yan xətt hakimi ofsayd qərarı verdi və baş hakim Miroslav Zelinka bu qolu qeydə almadı. Oyun 0-0 hesabı ilə başa çatıb.[8][6][9][10][11]
| 11 dekabr 2014 21:00 UTC+04:00 |
|
Tofiq Bəhramov adına Respublika Stadionu, Bakı, Azərbaycan Tamaşaçı: 31200 Hakim:  Miroslav Zelinka |
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Statistika | Qarabağ | İnter Milan |
|---|---|---|
| Qollar | 0 | 0 |
| Ümumi zərbələr | 6 | 9 |
| Çərçivəyə zərbələr | 3 | 3 |
| Qapıçı seyvləri | 1 | 3 |
| Topa yiyələnmə | 43 % | 57 % |
| Küncdən zərbələr | 8 | 3 |
| Qayda pozuntuları | 18 | 16 |
| Oyundan kənar vəziyyətlər | 2 | 3 |
| Sarı kartlar | 1 | 0 |
| Qırmızı kart | 0 | 0 |
Oyun 0-0 hesabı ilə başa çatdıqdan və paralel keçirilən "Dnepr"-"Sent-Etyen" qarşılaşmasında "Dnepr" 1-0 hesabı ilə qələbə qazandıqdan sonra qrupda "İnter" və "Dnepr"in növbəti mərhələyə keçdiyi rəsmiləşdi.[13] Qrupda son vəziyyət aşağıdakı kimi oldu:
| Komanda | X | O | Q | H | M | VQ | BQ | QF |
|---|---|---|---|---|---|---|---|---|
| İnter Milan FK |
12 | 6 | 3 | 3 | 0 | 6 | 2 | +4 |
| Dnepr FK |
7 | 6 | 2 | 1 | 3 | 4 | 5 | -1 |
| Qarabağ FK |
6 | 6 | 1 | 3 | 2 | 3 | 5 | -2 |
| Sent-Etyen FK |
5 | 6 | 0 | 5 | 0 | 2 | 3 | -1 |
Oyun başa çatdıqdan sonra "Qarabağ" son dəqiqələrdə vurulan, amma sayılmayan qola görə UEFA-ya şikayət edib.[14] 5 fevral 2015-ci ildə UEFA Nəzarət və Nizam-İntizam Komitəsinin iclasında bu məsələyə baxılıb. UEFA "Qarabağ"ın şikayətini qəbul etməyib, oyunun təkrar keçirilməməsi və hakimlərin cəzalandırılmaması qərara alınıb.[15][16] "Qarabağ" klubu bu qərardan sonra appelyasiya şikayəti verib.[11]
- ↑ "Qarabağ 0–0 Internazionale". Voetbalkrant (Dutch). 11 dekabr 2014. 13 iyul 2015 tarixində orijinalından arxivləşdirilib. İstifadə tarixi: 19 dekabr 2014.
- 1 2 "Qarabağ üçün son addım - ya ölüm, ya qalım!". www.azerisport.com (az.). 11 dekabr 2014. 31 avqust 2024 tarixində arxivləşdirilib. İstifadə tarixi: 31 avqust 2024.
- ↑ "Inter 4-1 Lazio". inter.it. 10 may 2014. 12 may 2014 tarixində arxivləşdirilib. İstifadə tarixi: 7 sentyabr 2024.
- ↑ Emanuele Gamba. "Toro in festa, basta un rigore l'Inter si diverte, tris di Kovacic". la Repubblica (italyan). 29 avqust 2014. səh. 50.
- ↑ "Inter experience tells against Qarabağ". UEFA.com (ingilis). 2 oktyabr 2014. 31 avqust 2024 tarixində arxivləşdirilib. İstifadə tarixi: 24 avqust 2024.
- 1 2 "Qarabag-Inter 0-0: i nerazzurri salvano l'imbattibilità, azeri 'scippati' al 94'". la Repubblica (italyan). 11 dekabr 2014. 28 iyun 2025 tarixində arxivləşdirilib. İstifadə tarixi: 28 iyun 2025.
- 1 2 Pavelko, İqor. ""Карабах" не смог обыграть "Интер" и покинул Лигу Европы". Евро-Футбол (rus). 11.12.2014. İstifadə tarixi: 07.30.2025.
- ↑ "Hakimlər "Qarabağ"a imkan vermədilər". Trend.Az (az.). 11 dekabr 2014. 7 sentyabr 2024 tarixində arxivləşdirilib. İstifadə tarixi: 7 sentyabr 2024.
- ↑ "Chyba rozhodčího Zelinky! V Evropské lize připravil Karabach o postup - Sport.cz". www.sport.cz (çex). 12 dekabr 2014. İstifadə tarixi: 28 iyun 2025.
- ↑ "Karabağ Inter maçında hakemden çok konuşulacak ilginç karar!". samanyoluhaber.com (türk). 13 dekabr 2014. 31 avqust 2024 tarixində arxivləşdirilib. İstifadə tarixi: 28 iyun 2025.
- 1 2 "УЕФА не увидел ошибку арбитра в матче "Карабах" - "Интер"". ТСН.ua (rus). 10 fevral 2015. İstifadə tarixi: 30.07.2025.
- ↑ "History: Qarabağ 0-0 Inter | UEFA Europa League 2014/15". UEFA.com (ingilis). 2024-08-24 tarixində arxivləşdirilib. İstifadə tarixi: 27.08.2024.
- ↑ "Hakim bizi məyus etdi". Oxu.az (az.). 11 dekabr 2014. İstifadə tarixi: 19 oktyabr 2024.
- ↑ "UEFA "Qarabağ"ın müraciətinə baxacaq". qol.az (az.). Qol.az. 15 dekabr 2014. İstifadə tarixi: 19 oktyabr 2014.
- ↑ "UEFA "Qarabağ"ın müraciətinə bu gün baxır". qol.az (az.). 5 fevral 2015. İstifadə tarixi: 19 oktyabr 2024.
- ↑ "UEFA Qarabağın şikayətini qəbul etmədi". www.azerisport.com (az.). 5 fevral 2015. 9 fevral 2015 tarixində arxivləşdirilib. İstifadə tarixi: 19 oktyabr 2024.
