Qaraarana dağı – Culfa rayonu ərazisində dağ (hünd. 896,2 m). Zəngəzur silsiləsinin cənub-qərb ətəyində, Dəmirlidağ-Göydağ qolunun davamında yerləşən Darıdağ (Dağüstü) silsiləsinin cənub-qərb istiqamətli Qarayoxuş qolunun qurtaracağında, Culfa şəhərindən 3 km şimaldadır. Alt Miosenin Sakaraul regiomərtəbəsinə aid karbonat-çökmə süxurlarından təşkil olunmuş yastı təpəli yüksəklikdir. Tektonik cəhətdən Ordubad qarılma zonasının Paradaş seqmentinin cənub-qərb cinahına aid Darıdağ-Aza qalxımının geniş cənub-qərb qanadını mürəkkəbləşdirən ikincidərəcəli Ərəzin sinklinalının maili cənub-qərb qanadında yerləşir.[1]
| Qaraarana dağı | |
|---|---|
| Ümumi məlumatlar | |
| Dağ sistemi | Kiçik Qafqaz |
| Mütləq hündürlüyü | 896,2 m |
| Yerləşməsi | |
| Ölkə |
 Azərbaycan |
| Rayon | |
- ↑ Naxçıvan Ensiklopediyası. I cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 596. ISBN 5-8066-1468-9.