Qara vağ ( Egretta ardesiaca ) leyləkkimilər (Ardeidae) fəsiləsininə aid quşdur. Qara vağ balıq ovlayan zaman qanadlarını çətir kimi istifadə edir[3]. Balıq qara vağın qanadları ilə yaratdığı qaranlıq yeri bitki kölgəsi və ya sığınacaq kimi qəbul edir və oraya yönəlir[4]. Bu zaman qara vağ balığı ovlayır. Bundan əlavə alimlər hesab edirlər ki, bu ovlanma üsulu qara vağın ovunu daha yaxşı görə bilməsi üçün kölgə və işıq kimi yan faktorları məhdudlaşdırır[5].
| Qara vağ | ||||||||
|---|---|---|---|---|---|---|---|---|
.jpg) | ||||||||
| Elmi təsnifat | ||||||||
|
XƏTA: parent və rang parametrlərini doldurmaq lazımdır.
???: Qara vağ |
||||||||
| Beynəlxalq elmi adı | ||||||||
|
||||||||
| ||||||||
Qara vağ orta ölçülü quşdur. Onun hündürlüyü təqribi 42-66 sm arasında dəyişir. Qara rəngli lələkləri və dimdiyi, sarı pəncələri ilə fərqlənir. Baş və boyun hissəsindəki digər lələklər lələklərdən nəzərəçarpaçaq qədər uzundur.
Qara vağ Şərqi Afrika (təkcə Tanzaniyada 5000-7000 ədəd), Qərbi Afrika, eləcə də Madaqaskar adasında yayılıb[6]. Qara vağ yaşamaq üçün dayaz açıq sular, şirin sulu göllər, nohurlar və çaykənarı ərazilərə yaxın yerlərə üstünlük verir[7]. O, suətrafı ərazilərdə bitən ağaclarda, kolluq və ya qamışlıqlarda yuva qurur. Koloniyalar şəklində yaşayır. Yağış mövsümündə artan kəskin yağıntı miqdarı, daşqın və ya su hövzələrində qidanın dəyişən miqdarı kimi kənar faktorlar qara vağın əsas miqrasiya səbəbləri arasında yer alır[8].
Balıqlar qara vağın əsas qida rasionunu təşkil edir. Əlavə olaraq qara vağ həşəratlar, xərçəngkimilər və amfibiyalar ilə qidalanır.
- ↑ Integrated Taxonomic Information System (ing.). 1996.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ https://ebird.org - Black Heron. İstifadə tarixi: 6 fevral 2026
- ↑ https://www.birdnote.org - The Black Heron. İstifadə tarixi: 6 fevral 2026.
- ↑ https://www.nationalgeographic.com - Watch this clever heron throw shade—literally. İstifadə tarixi: 6 fevral 2026.
- ↑ https://www.heronconservation.org - Black Heron. İstifadə tarixi: 6 fevral 2026.
- ↑ https://www.inaturalist.org - Black Heron Egretta ardesiaca. İstifadə tarixi: 6 fevral 2026.
- ↑ https://datazone.birdlife.org - Black Heron. İstifadə tarixi: 6 fevral 2026.
- ↑ https://www.oiseaux-birds.com - Black Heron Egretta ardesiaca. İstifadə tarixi: 6 fevral 2026.