Qarışıq quşarmudu (lat. Sorbus commixta) — bitkilər aləminin gülçiçəklilər dəstəsinin gülçiçəyikimilər fəsiləsinin quşarmudu cinsinə aid bitki növü.
| Qarışıq quşarmudu | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Triba: Yarımtriba: Cins: Növ: Qarışıq quşarmudu |
||||||||||
| Beynəlxalq elmi adı | ||||||||||
| ||||||||||
Saxalın, Yaponiya, Koreyada rast gəlinir.
Hündürlüyü 7-10 m-dək (bəzən 18 m çatır) olan, yarpağını tökən ağacdır. Çətiri yumru və uzun, qabığı qonur gümüşü-boz rənglidir. Yarpaqların uzunluğu 20-30 sm, lələkvari formalı, 9-13 lansetvari yarpaqlı, ucu biz və kənarları dişlidir. Payızda yarpaqları tünd bənövşəyi və ya qırmızı rəngli olur. Çiçəklərin diametri 6-10 mm, beş ağ ləçəkli və 20 sarımtıl-ağ erkəkcikli, yazda və ya yayda diametri 9-15 sm olan qalxan əmələ gətirir. Meyvəsi diametri 7-8 mm olan, parlaq qırmızı giləmeyvədir, payızda yetişir.
Şaxtaya davamlılıq dərəcəsi 5-9. Nəmişli, drenajlı, günəşli yerdə yaxşı bitir.
Azərbaycanda bir çox rayonlarda mədəni şəraitdə becərilir.
Dekorativ bitkidir. Tək və qrup əkinlərində, magistral yolkənarlarında sənaye müəssisələrində yaşıllaşdırılmasında istifadə olunur.