Bu məqalədə heç bir məlumatın mənbəsi göstərilməmişdir. |
Qala dağı — Lerik rayonunun Kələxan kəndində dağ. Talış dağlarının Talış silsiləsindədir, hündürlüyü dəniz səviyyəsindən (Baltik dənizi) 1703 metrdir. Vulkanik mənşəli olub, dik və uzunsov qranit süxurlardan oluşmuşdur. Aşağı ətəklərində "Qarğaduzu" kimi tanınan "İsland şpatı" damarları mövcuddur.
Qala dağı Azərbaycan Respublikası Mədəniyyət Nazirliyinin nəzdində maddi və mənəvi tarixi abidələr siyahısında yerli və tarixi əhəmiyyətli təbii abidə kimi qeydə alınmışdır. Turizm əhəmiyyətlidir. Qala dağında "Qala evi", "Dirəklər", "Qarğaduzu (Geoloqlar)", "İnək daşı", "Türbə", "Tülkü daşı", "Zirvə", "Qala yolu" və s. kimi turistik məkanlar mövcuddur. Zirvədən bütün Diabar çökəkliyini, eləcə də məşhur Kömürgöy (2493 m) və Savalan (4811 m) dağlarını aydın müşahidə etmək olur. "Qala evi"ndə qavaldaşı vardır ki, bura gələn turistlərin daha çox marağına səbəb olur.