Qafar Dəmirçi (1986) — azərbaycanlı biznesmen, iş adamı. "AGA Group" şirkətinin təsisçisi Aydın Dəmirçinin oğludur.
| Qafar Dəmirçi | |
|---|---|
 | |
| Doğum tarixi | 1986 |
| Təhsili |
|
| Fəaliyyəti | iş adamı |
1986-cı ildə anadan olub. London Universitet Kollecinin İqtisadiyyat fakültəsindən məzun olub və 2008-ci ildən İT sahəsində çalışır.[1] 2014-cü ildən "AGA Group" şirkətində vitse-prezident vəzifəsində fəaliyyət göstərir. Hal-hazırda şirkətin icraçı direktorudur.[2] Qafar Dəmirçi eyni zamanda iqtisadiyyat sahəsində video dərslər hazırlayaraq "YouTube" platformasında paylaşır. O, gənc idmançılarla birgə "Baku Tri Klub"unu qurub.[3]
Dəmirçinin icraçı direktoru olduğu "AQA Şirkətlər Qrupu"na daxil olan iş mərkəzləri arasında "Demirchi Tower", "AGA İş Mərkəzi", "Ariana Business Park", "Caspian Business Center", "Lotfi Zadeh Texnologiyalar Mərkəzi" və "Caspian Plaza" (3 korpusdan ibarət) mövcuddur. Şirkət həmçinin maliyyə ( "Ferrum Kapital" və "Caspian Audit"), kənd təsərrüfatı ("AGA Agro", "Monte Ferro"), informasiya texnologiyaları ("Bravo Online Systems"), turizm və otelçilik ("Da Vinci" və "Caspian Palace" otelləri) sahələrində də fəaliyyət göstərir. Buna görə azərbaycandilli KİV-də "Plazalar kralı" olaraq adlandırılır.[4]
11 dekabr 2024-cü ildə Qafar Dəmirçi Azərbaycan DİN-in Baş Mütəşəkkil Cinayətkarlıqla Mübarizə İdarəsi tərəfindən saxlanılaraq ona qarşı Azərbaycan Respublikası Cinayət Məcəlləsinin 259-cu (qanunsuz ağac kəsmə) maddəsilə ittiham irəli sürülüb. Həmin gün Nərimanov Rayon məhkəməsinin qərarı ilə Qafar Dəmirçi və "Monte Ferro" şirkətinin 3[5] işçisi barəsində (biri şirkətin briqadiri olmaqla[5]) 3 aylıq həbs qətimkan tədbiri qəbul edilib.[4][6] Onlar təbiətə 8 milyon 300 min manata yaxın zərər vurmaqda günahlandırılıblar. 16 dekabrda həbs barəsində verilən şikayətə Bakı Apellyasiya Məhkəməsində baxılıb və qərar dəyişdirilməyib.[5]
19 dekabr 2024-cü ildə Dəmirçi ailəsi təbiətə vurulduğu iddia edilən 8 milyon manatdan artıq ziyanı prokurorluğun depozit hesabına köçürürək ödəyib. Nəticədə Baş Prokurorluq qətimkan tədbirinin ləğvi üçün Nərimanov rayon məhkəməsinə təqdimat verib və məhkəmə Dəmirçini və həbs edilmiş 3 işçini azadlığa buraxıb.[7][8] Qafar Dəmirçinin atası bunla bağlı üzr istəyib və meşəni məhv edən "Monte Ferro" şirkətinin meşəni bərpa etməyə başladığını bildirib.[9]
2022-ci ildə yazıçı Günel Anarqızının övladı Sezen Məmmədli ilə evlənib. Bir övladı var.[10]
Qafar Dəmirçi həmçinin triatlon idman növü ilə məşğul olur. İndiyə qədər 7 qitəni əhatə edən 16 marafonda iştirak edib.[1]
- ↑ 1 2 Cəfərov, A. "İqtisadçı ilə nazirlik rəsmisini qarşı-qarşıya gətirən fındıq bağının sahibi kimdir? – MARAQLI TƏFƏRRÜAT" (az.). Yeni Avaz. İstifadə tarixi: 2024-12-19.
- ↑ Seyid. "Azərbaycanın məşhur şirkətinin təsis sənədləri ilə bağlı qalmaqal - Nə baş verir?" (az.). Qaynarinfo. 2023-12-11 tarixində arxivləşdirilib. İstifadə tarixi: 2024-12-19.
- ↑ ""Plazalar kralı" İqtisadiyyat Nazirliyini məhkəməyə verdi – Şirkətin 22 min vergi borcu var". Pravda.az. 2024-04-13 tarixində arxivləşdirilib. İstifadə tarixi: 2024-12-19.
- ↑ 1 2 ""Plazalar kralı" Qafar Dəmirçi həbs edildi". Qafqazinfo (az.). 2024-12-11. İstifadə tarixi: 2024-12-19.
- ↑ 1 2 3 "Bakıdakı plazaların vitse-prezidenti özünü təqsirli bilməsə də, həbs qərarı dəyişmədi". Azadlıq Radiosu (az.). 2024-12-16 tarixində arxivləşdirilib. İstifadə tarixi: 2024-12-19.
- ↑ ""Caspian Plaza"nın direktoru həbs olunub" (az.). Meydan TV. 2024-12-11. İstifadə tarixi: 2024-12-19.
- ↑ "Qafar Dəmirçi azadlığa buraxılıb". Meydan TV (az.). 2024-12-19. İstifadə tarixi: 2024-12-19.
- ↑ Ağasəlim, Sail. "Qafar Dəmirçi azadlığa buraxıldı — 8 milyonluq ziyanı ödəyib". Qafqazinfo (az.). 2024-12-19. İstifadə tarixi: 2024-12-19.
- ↑ "Aydın Dəmirçi üzr istədi". Oxu.az (az.). İstifadə tarixi: 2024-12-19.
- ↑ "Həbs edilən "Plazalar kralı", görün, kimin kürəkəni imiş - Foto". Axar.Az (az.). 2024-12-14. İstifadə tarixi: 2024-12-19.