Qadınlarda eyakulyasiya

Qadınlarda eyakulyasiya və ya qadınlarda boşalma — çox vaxt sıx bir həzz hissi ilə müşayiət olunan, orqazm əsnasında parauretral kisənin zərbələr nəticəsində gözlə görünən miqdarda maye ifraz etməsi hadisəsidir.^[1][2] Qadın eyakulyasiyası fizioloji cəhətdən cinsi əlaqədən fərqli bir şeydir.^[3][4] Bu eyakulyasiya mayesi, Skin kisəsi kimi də adlandırılan parauretral kisələrdə əmələ gələn sulu mayedir.^[5][6] Parauretral kisələr Bartonlin kisələri ilə qarışdırılmamalıdır. Bu kisələrə çox vaxt qadın prostatı da deyilir.^[7] Eyakulyasiya mayesi orqazm əsnasında sidik borusunun uc hissəsində olan çox kiçik dəliklərdən və sidik borusunun sağ və sol tərəflərində yerləşən kisələrdən ifraz olunur.^[8]

Qadınların eyakulyasiya prosesi haqqında olduqca az sayda tədqiqat işləri aparılmışdır. Elmi ictimaiyyət tərəfindən müştərək təriflərin və tədqiqat metodologiyasının qəbul edilməməsi, bu barədə empirik məlumatların olmamasının əsas səbəbidir.^[9] Bu sahədə aparılmış olan tədqiqat işləri yüksək səviyyədə seçilmiş iştirakçılardan, dar nümunəli tədqiqatlardan və ya çox kiçik nümunə ölçülərindən ziyan görmüş və nəticə etibarilə hələ də əhəmiyyətli nəticələr əldə edilməmişdir.^[10] Mayenin tərkibinə dair aparılmış tədqiqat işlərinin əksəriyyəti mayenin sidik və ya sidik əsaslı (mayenin tərkibinin sidiyin tərkibi ilə oxşarlığının müəyyənləşdirilməsi) olub-olmamasını müəyyən etməyə yönəlmişdir.^[11][12]

Mayenin uretranın içindən və ətrafından, Skin vəzi (Skin kisəsi) tərəfindən ifraz olunub-olunmaması da müzakirə mövzusuna çevrilmişdir.^[13][14] Mayenin dəqiq mənbəyi və təbiəti tibb elminin mütəxəssisləri arasında mübahisə mövzusu olmağa davam edərkən və G nöqtəsinin mövcudluğuna dair şübhələr ilə əlaqədar olarkən, Skin vəzisinin mayenin mənbəyi olduğuna dair son dərəcə əhəmiyyətli sübutlar mövcuddur.^{[15][16][17][18][19]} Bununla bərabər, qadın eyakulyasiyasının dəqiq əmələ gəlmə forması, üsulu hələ də, qeyri-müəyyən olaraq qalmağa davam edir.^{[20][21][22][23]}