Qadınlar-kaymanlar (fr. Femmes-Caïmans) — Afrikada Konqo Respublikasında yaradılmış qeyri-hökumət təşkilatı.
| Qadınlar-kaymanlar | |
|---|---|
| Femmes-Caïmans | |
| Növü | Afrika maraqlarının müdafiəsi uğrunda Demokratik Birlik partiyasının bir qanadı kimi QHT |
| Yaranma tarixi | 1956 |
| Mərkəzi | Konqo-Brazzavil |
| Prezident | Pauline Madieta |
Bu qadın təşkilatı Konqo Respublikasının paytaxtı Brazzavil şəhərində Afrika maraqlarının müdafiəsi uğrunda Demokratik Birlik partiyasının bir qanadı olaraq təşkil edilmişdir.[1]
"Qadınlar-Kaymanlar" təşkilatı 1956-cı ildə Konqo Respublikasının Brazzavil şəhərində Fulber Yulunun rəhbərlik etdiyi Afrika maraqlarının müdafiəsi uğrunda Demokratik Birlik Partiyasının qadın qolu olaraq yaradılıb.[2][3] 1963-cü ilin avqustunda xalq inqilabı Fulbert Yulunu Konqo hakimiyyətindən devirmişdi.[4]
Yulu təşkilatın yaradılması zamanı onun maliyyələşdirilməsinə kömək edib. Təşkilat partiyanın simvolu olan kaymanın şərəfinə adlandırılıb. Pauline Madieta "Qadınlar-Kaymanlar" təşkilatının ilk prezidenti seçilib.[5][6]
"Qadınlar-Kaymanlar" təşkilatı 1957-1960-ci illərdə Brazzavildə ən fəal siyasi təşkilatlardan biri olub. Ölkədə xüsusilə qadınlar arasında savadsızlığa qarşı mübarizə aparmağı hədəf qoymuş bu təşkilat savadsız qadınların siyasi düşüncələr baxımından maarifləndirilməsi işinin təşkilinə də diqqət ayırmışdır. Bu eyni zamanda Konqoda qadın hüquqlarının daha yaxşı müdafiəsini təmin etməyə imkan vermişdir. Çünki Konqo Respublikasında ən son Afrobarometr sorğusunun nəticələrinə görə, təxminən hər 10 nəfərdən dördü qızlara və qadınlara qarşı zorakılığın onların icmalarında yayğın olduğunu bildirmişdir. Yarıdan çoxu isə kişinin arvadını tərbiyə etmək üçün fiziki güc tətbiq etməsinə haqq qazandırdığına inandığınl ifadə etmişdir.[7] Bununla belə "Qadınlar-Kaymanlar" təşkilatının üzvlərinin sayı heç 300-ü keçə bilməmişdi. 1960-cı illərdə Brazzavil şəhərində "Qadınlar-Kaymanlar" təşkilatının üzvlərinin sayı cəmi 250 nəfər idi.[4]
- ↑ Angèle Dusabimana. Les femmes et la violence urbaine a Brazzaville İbadan [Nigeria], 1995.
- ↑ "Образ женщины в средствах массовой информации. OHCHR". 2021-12-06 tarixində arxivləşdirilib. İstifadə tarixi: 2025-02-09.
- ↑ John Frank Clark, Samuel Decalo. Historical Dictionary of Republic of the Congo. — Scarecrow Press, 2012. — 571 с. — ISBN 978-0-8108-4919-8.
- ↑ 1 2 Florence Bernault. Démocraties ambiguës en Afrique centrale: Congo-Brazzaville, Gabon, 1940-1965. — KARTHALA Editions, 1996-01-01.
- ↑ Robert Edmond Ziavoula. Brazzaville, une ville à reconstruire: recompositions citadines. — KARTHALA Editions, 2006.
- ↑ Annales de l'Université Marien Ngouabi. — Université Marien Ngouabi, 2007.
- ↑ Violences faites aux femmes au Congo : Une réalité persistante et une tolérance continue – Afrobarometer