Qabyuyan maşın

Qabyuyan maşını 1886-cı ildə Jozefina Koçrane adlı qadın tərəfindən ixtira edib.

Koçrane evində tez-tez ziyafətlər verən varlı bir qadın idi və özü heç vaxt qab yumurdu. Bunun üçün xüsusi xidmətçiləri vardı. Lakin onun üçün dəyərli olan qablar hər dəfə yuyularkən sınırdı. Koçrane buna çarə tapmaq üçün xüsusi bir aparat lazım olduğunu düşünürdü. Hər hansı bir alimə müraciət etdikdə, heç kim onun istədiyi ixtiranı edə bilmədi. Nəticədə o, bunu özü etməyə qərar verdi.

Onun "Əgər heç kim bir qabyuyan maşın icad etmirsə, o halda bunu özüm edəcəyəm!" — deyə qışqırdığı bildirilir. Əvvəlcə qab-qacaqların ölçülərini ölçdü. və daha sonra onlar üçün bölmələr düzəltdi. Hər bir bölmə xüsusilə qablara və fincanlara uyğun şəkildə hazırlanmışdı. Bölmələr, düz səthləri mis qazanın içərisində yerləşdirilmiş bir təkər vasitəsilə işləyirdi. Mühərrik, isti sabunlu suyu qazanın dibindən yuxarıya fışqırır, qab-qacaqların üzərinə düşür və təkəri fırladırdı. Dostları bunu çox bəyəndi və onlar üçün də qabyuyan maşın hazırladı. Yaxınları bu ixtiraya "Koçrane qab-qacaq maşını" adını qoydular.

Bu ad qısa müddətdə geniş yayıldı və Koçrane restoranlardan, otellərdən qabyuyan maşın düzəltməsi üçün xeyli təkliflər aldı. O, hazırladığı maşının patentini aldı və işini daha da böyütdü. 1893-cü ildə Çikaqodakı Dünya Sərgisində ixtirasını təqdim edərək "dayanıqlılıq və uyğunlaşmadan ən yaxşı mexaniki istehsal" mükafatını qazandı. Vhirlpul Şirkəti tərəfindən maddi yardım alaraq "Koçrane İstehsal Şirkəti"ni qurdu.^[1]